Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Infermierët paguhen 13 euro në ditë”. Mjeku italian tregon situatën tronditëse në vendin fqinj

Politiko 7 Prill 2020, 22:48

“Infermierët paguhen 13 euro në ditë”. Mjeku italian

Doktori italian Carlo Palermo, Sekretari i Përgjithshëm i Sindikatës së Personelit Mjekësor në Itali në një intervistë për emisionin “Tempora” deklaroi të dhëna tronditëse rreth situatës ku punojnë mjekët dhe infermierët në Itali. Ai denoncoi se shumë mjekë dhe infermierë punojnë të keqpaguar dhe kontrata afatshkurtra. Sipas tij shumë mjekë dhe infermierë janë marrë në punë në këtë situatë me kontrata afatshkurtra dhe paga të ulëta.

“Marrin 40 euro në ditë e madje ka dhe infermierë që marrin 13 euro në ditë, e punojnë pa u paguar sigurimet shoqërore, e pa mbrojtjen e sindikatave. Është një situatë e pa pranueshme për ne e si sindikatë e kemi denoncuar e po hetojmë duke mbledhur të dhënat mbi të gjithë këta mjekë e infermierë të nënpaguar qe supozojmë se janë rreth 2000-2500. Operatorët sanitarë janë të vetmit që pas një kontakti me një person pozitiv me koronavirusin nuk lejohen të shkojnë në regjim karantine, nuk ua lejon as normativa e gjendjes së emergjencës së COVID 19 pasi struktura spitalore në Itali kanë një mungesë shqetësuese të organikës së personelit mjekësor.

Nëse të gjithë mjekët e infermierët në kontakt me pacientët pozitiv do t’i nënshtroheshin testimit të tamponeve duhet të mbylleshin reparte të tëra në spitale. E mendoni, mjekë dhe infermierë që çdo ditë përballojnë vdekjen e tyre pas kontakteve me pacientët e tyre. Janë mjekë e infermierë që kanë frikë të kthehen në shtëpi se infektojnë fëmijët e tyre, janë mjekë e infermierë që kthehen dhe në priftërinj për pacientët që po shkojnë drejt vdekjes. Janë në një stres të fortë emotiv që ka çuar në vetëvrasjen dhe të 2 infermierëve e kemi sinjale të forta shqetësuese dhe për kolegë të tjerë në fronin e linjës së parë në spitale." Tha doktori italian Carlo Palermo.

Ai ka treguar edhe një fakt, se pse në Itali ka pasur shumë viktima në rradhët e personelit shëndetësor për shkak të koronavirusit. "Rreth 70% e mjekëve viktimë ishin mjekë familje, e që u infektuan ndërsa ende nuk ishte e njohur si epidemi dhe mendonim se ishte një grip i thjeshtë. Janë mjekë familje që kanë vizituar pacientët në studiot e tyre apo në shtëpi. E pas tyre u shtuan dhe mjekët e spitaleve që infektohen nga pacientë në terapi intensive apo dhe nga ata me jo me simptoma. Italia, u shfaq e papërgatitur për të përballuar një epidemi të tillë. Përballë një rreziku të tillë biologjik me nivel 3, pati një nënvleftësim të mjeteve mbrojtëse individuale e favorizuar dhe nga Organizata Botërore e Shëndetësisë. Italia qe vendi i parë që përballoi këtë emergjencë e askush nuk e imagjinonte të ishte kaq agresiv. Simptomat ishin mjaft të ngjashme me një grip të thjeshtë e pa dyshim pati vonesa në masat mbrojtëse, pati mungesa në rezervat me instrumentet e mbrojtjes personale për mjekët, patëm mangësi në shtretër të terapisë intensive. E kjo e fundit pasojë e një krize financiare 10 vjeçare në sistemin e shëndetësisë rrjedhë e krizës ekonomike që prej 2008."