Flash News

Video/ Operacioni “Ura”, pamje nga aksioni kundër trafikut të drogës e pastrimit të parave

Operacion antidrogë në Shqipëri dhe Itali, lëshohen 52 urdhër arreste; avokatë, zyrtarë dhe policë të përfshirë

Video/ Gjendet eksploziv te Veliera në Durrës, në afërsi të banesës së Vangjush Dakos

Mos nisja e fluturimeve në aeroportin e Vlorës rrezikon kontratat me garanci të turizmit

Video/ Revoltë në burgun e Korfuzit, shqiptarët dhe gjeorgjianët i vënë flakën qelive

KRYESORE

INSTAT: Deri në vitin 2031, Shqipëria rrezikon të arrijë në më pak se 2.6 milionë banorë

Politiko 26 Shkurt 2019, 18:13
INSTAT: Deri në vitin 2031, Shqipëria rrezikon të arrijë

INSTAT ka publikuar sot projeksionet e reja të popullsisë për periudhën 2019-2031. Sipas publikimit, popullsia e Shqipërisë në vitin 2031, sipas projeksioneve të përditësuara, llogaritet të jetë 2.745.996 banorë, sipas projeksioneve normale dhe më pak se 2.6 milionë banorë sipas skenarit pesimist. Ky numër është rreth 36 mijë banorë më pak krahasuar me numrin e popullsisë në Projeksionet e Popullsisë 2011 – 2031.

INSTAT vë në dukje se ndryshimi i këtij numri është pasojë direkte e normave më të ulëta të lindshmërisë dhe shpërndarja gjinore e emigrantëve, e cila nuk përkon me hipotezën e projeksioneve të popullsisë 2011 – 2031.

Rritja me ritme të ngadalta e ISF, shoqëruar nga hyrja në moshë riprodhimi e brezave të grave më të pakët në numër se ato aktuale, do të bëjë që numri i lindjeve të mos pësojë ndryshime domethënëse gjatë periudhës 2019 – 2031.

Në të njëjtën kohë, numri i vdekjeve do të vazhdojë të rritet, si pasojë e një popullsie më të madhe në moshë të vjetër. Këto dy ndryshime do të sjellin edhe rënien e shtesës natyrore deri në rreth 3,2 mijë në 2031.

Gjatë periudhës 2011 – 2018, normat e emigrimit të burrave rezultuan të ishin më të larta se ato që u supozuan në projeksionet e mëparshme. Ndërsa për gratë rezultoi e kundërta, normat e emigrimit ishin disa herë më të ulëta se ato të supozuara më parë.

Këto ndryshime në sjelljet migratore kanë sjellë edhe ndryshimin e strukturës gjinore të popullsisë.

Në vitin 2011, Shqipëria ishte një vend ku kishte më shumë burra se sa gra. Kjo tashmë ka ndryshuar në vitin 2019, pasi në Shqipëri raporti gjinor qëndron në 99,8 burra për çdo 100 gra.

Sipas projeksioneve të përditësuara, raporti gjinor pritet të thellohet në favor të grave duke arritur deri në 89,1 burra për çdo 100 gra./ Monitor

 

Të fundit