Flash News

Përplasen dy automjete në aksin Laç–Patok, plagoset njëri nga drejtuesit

Aksidentohen në Berat çifti i turistëve nga Arabia

Sulmoi me thikë shkrimtarin duke e verbuar në njërin sy, dënohet me 25 vite burg autori

I biri plagosi me thikë të miturin, nëna e 14-vjeçarit: Në shtëpi erdhi me policinë

Protesta e PD/ Efektivë policie në terren, vendoset gardh metalik

KRYESORE

INSTAT: Kriminaliteti ulet me 6.1%, në Shqipëri kryhen afro 95 vepra penale në ditë

Politiko 21 Korrik 2017, 13:24

Sipas INSTAT, krimet në Shqipëri janë ulur në tremujorin e dytë 2017.  Janë kryer 8.393 vepra penale, rreth 6,1 % më pak krahasuar me të njëjtën periudhë të vitit 2016. Gjatë tremujorit të dytë 2017 janë regjistruar 8.855 autorë të veprave penale, të cilët janë 8,3 % më pak, krahasuar me tremujorin e dytë 2016.

Ndaj totalit të veprave penale, pjesën më të madhe e zënë “Krimet kundër autoritetit të shtetit” me 39,6 %, “Krimet kundër pasurisë dhe në sferën ekonomike” me 38,2 % dhe “Krimet kundër personit” me 20,1 %.

Vepra penale kundër personit

Gjatë tremujorit të dytë 2017 janë kryer 1.688 vepra penale kundër personit, duke pësuar ulje me 8,3 %, në krahasim me tremujorin e dytë 2016. Numri i autorëve të krimeve kundër personit, në këtë periudhë është 1.989, dhe përbën 22,5 % të totalit të autorëve. Gjatë tremujorit të dytë 2017, numri i autorëve të kësaj vepre penale është ulur me 9,3 %, në krahasim me të njëjtën periudhë të vitit të kaluar.

Vepra penale kundër pasurisë dhe në sferën ekonomike

Në tremujorin e dytë 2017 janë kryer 3.205 vepra penale “Krimet kundër pasurisë dhe në sferën ekonomike”, duke pësuar ulje me 2,7 %, krahasuar me tremujorin e dytë 2016. Autorët e tyre janë 2.928, rreth 9,1 % më pak se në të njëjtën tremujor të një viti më parë dhe përbëjnë 33,1 % të totalit. Në këto vepra penale, seksioni Vjedhjet e pasurisë zë 37,5 % të totalit. Krahasuar me tremujorin e dytë 2016, gjatë këtij tremujori vjedhjet e pasurisë kanë pësuar një ulje me 26,3 %.

Veprat penale kundër autoritetit të shtetit

Në tremujorin e dytë 2017 janë kryer 3.321 vepra penale, me një rënie prej 9,5 %, në krahasim me tremujorin e dytë 2016. Numri i autorëve gjatë tremujorit të dytë 2017, është 3.676, duke shënuar një ulje me 9 %, në krahasim me të njëjtën periudhë të vitit të kaluar. Veprat penale kundër rendit dhe sigurisë publike, përbëjnë përqindjen më të madhe të veprave kundër autoritetit të shtetit, me rreth 76,6 %, duke regjistruar një ulje prej 13,3 %, në krahasim me të njëjtën

periudhë të një viti më parë.

Masat e sigurisë

Gjatë tremujorit të dytë 2017, numërohen 8.855 masa sigurie për autorë të veprave penale, nga 9.661 që ishin në të njëjtën periudhë të një viti më parë, duke pësuar një ulje me 8,3 %.

 

[caption id="attachment_42383" align="alignleft" width="2030"] Press release (Professional design)[/caption]

Të fundit