Flash News

Gjermania zgjat qëndrimin e trupave të saj në Kosovë

Policia greke bastis qelitë e shqiptarëve në Koridhalos, zbulohet arsenal dhe drogë te “bosi i mafies së burgjeve”

Ndahet nga jeta parakohe sopranoja e njohur e TKOB

Pezullohet lundrimi nga moti i keq në Vlorë

Megaoperacioni/ Grupi me bazë në Durrës, zbardhen emrat e trafikantëve shqiptarë

KRYESORE

Intervista/ Doli në përgjimet e ‘Bild’, reagon Ardian Kokomani: Astrit Avdylajn e njoh familjarisht, por s’ka akses te unë

Politiko 5 Qershor 2019, 14:37
Intervista/ Doli në përgjimet e ‘Bild’, reagon Ardian

Gazeta gjermane ‘Bild’ publikoi sot 6 përgjime tronditëse për qeverinë. Në bisedat e zhvilluara mes Astrit Avdylajt, kreut të bandës së Shijakut dhe zyrtarëve të PS flitet për pazaret e votës për zgjedhjet parlamentare të 2017-ës.

Ndër përgjimet e publikuara sot nga gazetari Peter Tiede është edhe telefonata e zhvilluar mes Astrit Avdylajt dhe kreut të bashkisë së Shijakut, Ardian Kokomani.

Gjatë bisedës telefonike, Avdylaj i kërkoi Kryebashkiakut te Shijakut, që do të organizojë një takim me Vangjush Dakon, kryebashkiakun e Durrësit me anëtarin e ardhshëm të parlamentit ”Liri” (Ilir Ndraxhi), një person që klani kriminal Avdylaj kërkon që ta vendoste si anëtar të Partisë Socialiste.

Ndaj i kërkohet edhe kryebashkiakut të Shijakut të jetë aty.

Në një reagim për Politiko.al, ai tregon se Astritin e njeh si një banorë të zakonshëm të zonës dhe se nuk ka patur asnjë akses te ai gjatë fushatës së 2017-ës.

Po ashtu, ai flet disi me rezerva edhe për faktin se PS nuk e rikandidoi më për bashkinë e Shijakut, duke e zëvendësuar me Elton Arbanën, po ashtu edhe ky i fundit i dalë në përgjimet e ‘Bild’.

Intervista: 

Zoti Kokomani, sot u publikuan 6 audio-përgjime nga gazeta gjermane ‘Bild’, ndër to edhe një bisedë e juaja me Astrit Avdylajn, i njohur si kreu i bandës së Shijakut. Si do ta komentoni?

Për mua nuk është asgjë, e thatë edhe ju ajo është një bisedë. Ai më thotë se në një takim ku do ishte prezent edhe kryetari i bashkisë së Durrësit, një deputet i zonës, pra personalitetet, që duhet të isha edhe unë.

Pse ju telefonoi ju, si e njihni ju Astritin?

Ky njeri nuk ka akses tek unë, absolutisht. Unë jam kryetar bashkie dhe mund të njoh 80% të zonës. E njoh përmes familjes.

A shkuat të nesërmen në takim?

Në takim nuk shkova, jam i sigurt se bëhet fjalë për një takim në mars të 2017-ës. Jam i sigurt 99%, ishte një takim për kafe.

Ju e konfirmuat prezencën tuaj në këtë takim...

Po normalisht do t’i thoja ‘po’ kur bëhet fjalë për një takim me zyrtarë të njohur të zonës, por e thashë edhe më parë se ai person nuk ka akses te unë. Unë s;kam qenë në atë kohë as kryetar fushate, jam marrë vetëm me kandidatin.

Këto 6 përgjime në tërësi si do t’i komentonit, bëhet fjalë për zyrtarë të PS ashtu si ju?

Në 2017-ën nuk kanë qenë pjesë e shtabit tim, nuk kam qenë udhëheqës i fushatës, por drejtuesi i qarkut. Jam mbështetës si të tjerët. Se çfarë bën njëri apo tjetri unë s’kam punë, të mbajë secili përgjegjësinë e tij. Po të kontrollosh dosjen 339 janë 700 disqe në total.

Këtë vit ju nuk u kandiduat më për kryetar bashkie në Shijak, a kanë lidhje këto përgjime?

Jo, jo. Unë e aderoja edhe një mandat të dytë sepse çdokush të ishte nuk do të mjaftonte një mandat për një kryetar bashkie. Kam pas shumë projekte për të vijuar. Telefonata e atij personi që më bën mua, jo unë atij, ju them se nuk ka pas akses.

 

Të fundit