Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Intervista/ Jona Dervishi rrëfen lidhjen me futbollin: Një ditë e shoh veten në politikë

Politiko 8 Korrik 2017, 20:43

Jona Dervishi, vajza që i jep zë Federatës së Futbollit në Shqipëri vjen në një tjetër dimension në rrëfimin e saj ekskluziv për Politiko.al. E lindur dhe e rritur në Tiranë, me një përzierje origjine mes Matit dhe Vlorës, Jona është vajza e cila nuk ka dhe aq lidhje me futbollin sa mund të mendojmë. Kohët e fundit janë shtuar vajzat në radhët e posteve të FSHF-së dhe të cilat ‘mburren’ me të madhë që e dashurojnë futbollin, por rasti i Jonës është komplet tjetër. Ajo me modestinë e saj që e karakterizon gjithnjë tregoi se nuk ka patur një kimi që në krye të herës me sportin, por ishte një dashuri që lindi me kalimin e kohës.

Ajo ka mbaruar studimet për Gjuhët e Huaja dhe mastër për Komunikim në Fakultetin Histori Filologji. I pelqen të shkruaje, preferon muziken retro të viteve 60 si dhe është supersticioze ndaj ka bërë dhe një tatuazh me syrin e Horusit (faraoni që të mbron nga syri i keq). Ku e sheh të ardhmen e saj dhe cila është lidhja me politiken dhe akuzat që i ka bërë ish-kryeministri Berisha?

Jona flet pa doreza për Politiko.al

Si u gjende në FSHF dhe si nisi rrugëtimi yt si zëdhënëse e Federatës?

Të them të drejten nuk kam qenë shumë e lidhur me futbollin dhe në FSHF u gjenda komplet rastësisht. Por më mirë kështu sepse dashuritë me shikim të parë nuk zgjasin shumë. Dhe marrhdënia ime me futbollin ndryshoi. Unë u përzgjodha në bazë të një platforme por fakti se isha e vetmja femër në konkurim më dha përparësi pasi dhe synimi i institucionit ishte të vëndostë dikë që nuk kishte qenë më parë.

Sporti, pasion apo thjesht profesion?

Ccdo profesion, po nuk pati pak pasion është një zgjedhje e gabuar. Posti që unë kam është më shumë i konferencieres dhe eventeve sesa i sportit ose të themi I futbollit në thelb. Gjithsesi më jep një kënaqësi të veçantë të jem pjesë e këtij institucioni, kombëtares.

Për sa kohë mendon se do të jesh zëdhënsja e FSHF-së dhe ku e sheh vetën pas kësaj pasi jo çdo punë është e përjetshme?

Të them të drejtën qysh kur nisa të jem pjesë e Federates nuk është se kam matur kohen se sa do qëndroj ose jo. Di që më pëlqen shumë puna që bëj por di edhe që nuk do të jem e përhereshme. Përtej kësaj pune e shoh veten në jetën akademike por nuk eksludoj as atë politike. Pasi të kontribosh për vendin tënd është gjëja më e mirë që çdokush duhet të bëjë.

Jona jashtë kornizave sportive?

Jona jashtë sportit është si çdo 29-vjeçare tjetër. Me ëndrrat e mia dhe përditshmërinë time. Më pëlqen të jem gjithnjë me këmbë në tokë. Pas çdo suksesi apo dështimi që mund të kem pasur ose do të kem në jetë, preferoj që kurrë të mos shkëputem nga realiteti.

Kombëtarja shqiptare, kë favorizon më shumë nga lojtarët?

E kam thenë dhe e përsëris gjithnjë, më pëlqen skuadra jo lojtarët. Edhe ata vetë këtë mendim kanë, jam e sigurtë. Një skuadër e fortë është ajo që ka lojtarët të cilët e vlerësojnë punen e grupit. Individualizmi nuk është nocion që duhet përdorur në futboll. Ndaj po të veçoja dikë, automatikisht do kisha bërë një sakrilegj.

Si është të punosh në një ambient ku dominojnë meshkujt?

Në institucionin ku punoj unë janë 40% gra e vajza, kështu që nuk është se ka tej dominancë mashkullore. Gjithsesi duke qenë se jemi minorancë respektohemi më shumë.

Shpesh here bën reagime në rrjete sociale sa i përket fenomeneve që shqetësojnë shoqërinë. Çfarë të shqetëson më shumë në këtë vend?

Në këtë vend fenomeni që më shqetëson më shumë është kur dalloj dhe shikoj që shqiptarët zihen me njëri-tjetrin. Një popull duhet të jetë i bashkuar dhe ta mbrojë sa më shumë bashkë atdhetarin e e tij, ndërsa në Shqipëri ndodh e kundërta. Përballë të huajve ne e harrojmë faktin që jemi shqiptar.

Si i quan akuzat e Sali Berishës i cili të ka quajtur ndrikull dhe bashkëpuntëore të aferave korruptive të qeverisë?

Çdo njeri mund të gabojë dhe është njerëzore. Rasti i Berishës karshi meje ka qenë patjetër një gabim i tij dhe jam e bindur se e ka kuptuar.

© Politiko.al