Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Intervistë/ Suksesi i Serena Lekës pa një "recetë" por me shumë punë dhe studim

Politiko 6 Janar 2020, 16:40

Serena Leka nuk është një emër i panjohur, sidomos në fund të vitit 2019-të , e cila u bë e njohur për publikun shqiptar me arritjen e saj ku u nderua me çmim të parë në "Samitin Global të Inovacionit" në Kinë. Aktualisht, Leka është menaxhere projektesh dhe lektore/trajnere ne "Departamentin e Inxhinierisë", në "Universitetin e Aarhusit", ndërkohe 'bashkëpronare dhe menaxhere' për palët e treta ne sipërmarrjen e re "Cellugy".

Serena, studimet "Bachelor në Financë Kontabilitet" i ka kryer në , 'Fakultetin e Ekonomisë', në Universitetin e Tiranës; ndërsa 'Master Shkencor' në Manaxhim Ekzekutiv (Strategji, Organizim dhe Lidership) në Universitetin e Aarhusit.

Në një intervistë për Politiko.al, Serena nga Fushë-Arrëzi ka treguar rrugëtimin e saj - që nuk ka qenë shumë i thjeshtë - ka rrëfyer për çmimin e parë në Kinë, planet e së ardhmes dhe se si suksesi nuk është thjesht një "recetë" por shumë punë.

Çmimi i parë në "Samitin Global të Inovacionit" në Kinë

Një nga eksperiencat e mia më të mira jashtë vendit. Sigurisht është një privilegj që puna dhe fati më solli të punoj me skuadrën e 'Cellugy', kompania të cilën përfaqësoja në Samit. Të qëndrosh përballë shumë kompanive të tjera të reja të cilat kanë synim të ndryshojnë botën për mirë, është po aq sfidë sa dhe një mundësi e shkëlqyer për te mësuar e kuptuar se ku po shkojnë industritë lider në treg. Tani presim që të zhvillojmë sa më mirë e shpejt produktet bazë të kompanisë, që të mund të materializojmë hyrjen në tregun Kinez, në mos jo për shitje, për prodhim.

Cila është risia që solli Serena me skuadrën e saj në fushën e sipërmarrjes dhe inovacionit dhe në çfarë konsiston?

Skuadra e Cellugy ka 2 vite që po punon për perfeksionim te materialit te zëvendësimit të plastikes fleksibel, duke e bere atë të përshtatshme për industrinë ushqimore dhe te paketimit, ndërkohe duke siguruar një impakt pozitiv në mjedis. Kjo e fundit ndodh pasi ne përdorim si lëndë të parë mbetje të frutave me përmbajtje ushqimore, kjo duke aplikuar ekonominë rrethore; po ashtu fundi i jetës se materialit është ne kohë rekord për dekompozim në natyrë, cilësi kjo e certifikuar nga institucionet përkatëse. Në nivel organizativ, skuadra e Cellugy është me shumëllojshmëri aftësish dhe origjinash, duke veçuar vlerën që ka krijuar në një kohë shumë të shkurtër.

Një çmim i tillë, kërkon një angazhim akoma më të madh. Serena dhe skuadra e saj janë të përgatitur.

Menjëherë pas Samitit, Cellugy është klasifikuar në vend të II-të nga "National Geographic" në kategorinë e kompanive më të mira në botë për dizejnimin e materialeve të reja, nga ku siguruam dhe investimet e para kapitale për të zgjeruar kapacitetin prodhues të materialit tonë "EcoFlexy".

Leka, është një vajzë e re që punon shumë dhe plot angazhime, ajo tregon se përditshmëria e saj nuk është e lidhur vetëm me punën por nuk le pas edhe pasionet dhe argëtimin:

Ndihem shumë e lumtur që kam një punë që më pëlqen. Sigurisht nuk ka qenë e lehtë të gjesh çka preferon të bësh, duke mos u ndjerë e kushtëzuar nga rrethana të tjera, por ky është një rrugëtim që çdo kush duhet të kryeje, që ta kthejë punën në një hobi. Më pëlqejnë shumë gjëra si makinat, volejbolli, kërcimi, udhëtimet, librat, etj. Ndonëse ka qenë e vështirë për të ruajtur konsistence në praktiktimin e tyre në rutinë për shkak të orëve të gjata të punës. Gjithashtu, përpiqem të kaloj kohë me miqtë dhe me familjen, ndonëse janë larg.

Rasti i Serenës mund të frymëzojë shumë të rinjtë. Të shumtë janë ata që kanë kapacitet, intelekt dhe talent por jo mundësitë financiare dhe kontaktet. Si ja arriti Serena të ketë këtë sukses dhe këshillat për të rinjtë që duan të ndjekin të njëjtin shembull:

Kjo nuk ka recetë, pasi çdokush ka rrethana të ndryshme të jetës dhe aftësi të tjera të individit që e bëjnë më kompleks rastin, por do përpiqem të listoj disa:

⁃ Përkushtim të përditshëm në studime që në nivelet baze të shkollimit

⁃ Pjesëmarrja në aktivitetet jashtë-shkollore, e më pas organizimi i tyre

⁃ Studim/lexim individual përtej asaj çka ofrojnë librat e shkollës

⁃ Ndjekja e dëshirave për sporte dhe art, edhe sikur të jetë vetëm për pushimet verore

⁃ Kërkesa për mbështetje nga familja, miqtë e mësuesit, dhe në të njëjten kohë ofrimi i ndihmës për të përmirësuar kushtet e bashkëjetesës me këto palë.

Sa i takon kushteve ekonomike dhe barrës financiare, unë e vlerësoj më shumë një student që ka filluar të punojë që në moshë të re, të themi 15-16 vjeç, pasi i besoj më lehtë kapacitetit të tij për të menaxhuar përgjegjësitë dhe paratë. Kjo sërish është në varësi të personit dhe rrethanave të tij. Po ashtu, ka plot programe studimi apo trajnimi që janë të sponsorizuara (sigurisht konkurruese) në të gjithë botën, ku të rinjtë shqiptarë kualifikohen për të aplikuar. Unë mund të kem paguar me ndihmën e familjes apo ç’ka kam siguruar vetë, vetëm 10-15% të kostove të deritanishme të të gjithë udhëtimeve të mia me qëllim zhvillimin personal dhe profesional.

Serena, shpreh gjithë gatishmërinë saj nëse dikush ka nevojë që të ketë të gjitha linqet e faqet e nevojshme. Sigurisht rrjetet sociale e bëjnë më të lehtë këtë komunikim, për të cilin nuk ka aspak komplekse të ju përgjigjet ;)

Serena, është nga qyteti i vogël verior i Fushë-Arrëzit, të cilët janë njerëz shumë krenar e kryelartë dhe përherë mbështetës të bashkëqytetarëve të tyre, e sidomos për Serenën. Ajo ka një falënderim për ta e për gjithë shqiptarët që e kanë mbështetur në këtë rrugëtim dhe kanë duartrokitur sukseset e saj:

Gjithmonë kam qenë shumë e lidhur me vendlindjen dhe u jam shumë mirënjohëse qytetarëve të Pukës e Fushë-Arrëzit, gjithashtu dhe të tjerëve brenda e jashtë Shqipërisë, për të gjitha fjalët e mira dhe vlerësimin e marr nga to. Kam dëgjuar e kuptuar që komunitetet në zonën e Fushë-Arrëzit janë të bashkuar e bëjnë për njëri-tjetrin, pa ndonjë kusht. Po ashtu, nuk lë dot pa përmendur që të dyja familjet e prindërve (Leka e Doda) kanë dhënë një kontribut në këto zona e unë gëzoj frytet e emrit të tyre në shoqëri.

Serena ishte nominuar po ashtu dhe si "Personazhi i Vitit" në sondazhin që bën Top Channel bën çdo fundvit, për të cilin tregon se u ndje shumë e surprizuar:

Shumë e surprizuar dhe falënderuese! Mendoj se mbështetja e medias dhe përgjigjet e ndjekësve ndaj arritjeve të publikuar bëri që puna ime jashtë të prezantohej në Shqipëri e të vlerësohej po ashtu.

Por si e sheh të ardhmen Serena? A është Shqipëria në planet e saj?

Kjo është një pyetje shumë e vështire, të cilës do zgjedh t`i përgjigjem duke thënë se do dëshiroja shumë të kthehem, nëse do krijoj përshtypjen qe do lejohem të punoj e të jap kontributin tim, pa ndërhyrjet e panevojshme që sistemi prezanton sot.