Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ish-deputeti i PS zbardh skemën: Kandidatura për deputet kushton 300 mijë euro. Fondet ilegale për kandidatin e bashkisë së Tiranës arrijnë në 30 mln euro

Politiko 19 Mars 2018, 17:01

Ish-deputeti i PS zbardh skemën: Kandidatura për deputet kushton 300

Ish-deputeti i Partisë Socialiste, Koço Kokëdhima ka denoncuar skemën që sipas tij zbatohet nga kryetarët e partive të vjetra për të përfituar maksimalisht nga kandidatët në zgjedhje.

Kokëdhima, që tashmë drejton Partinë Zgjidhja, shkruan te ‘Shekulli’ se për të vënë kandidaturën për deputetë duhet t’i paguash kryetarit të partisë nga 200 deri në 300 mijë euro. Situata rëndohet kur vjen puna te bashkitë. Deri në 500 mijë euro shkon shifra që një person që kërkon të marrë drejtimin e një bashkie duhet t’i paguajë kryetarit të njërës prej partive. Ndërkohë, sa i përket bashkisë së Tiranës, fondet që mblidhen në mënyrë ilegale nga kryetari i partisë dhe kandidati për kryebashkiak i kalojnë 30 milionë euro.

“Për të vënë kandidaturën për deputet në partitë e vjetra duhet të paguash kryetarët, sekserët dhe ortakët e tyre që mund të jenë sekretarë të përgjithshëm, nënkryetarë, kryetarë grupi, ministra apo ish-ministra etj, me shuma nga 200 deri në 300 mijë euro. Dëshiron të vësh kandidaturën për kryetar bashkie? Duhet të paguash si më sipër kryetarët e partive të vjetra nga 200 mijë deri në 500 mijë euro. Bashkia e Tiranës ka situatë tjetër. Fondet që mblidhen ilegalisht dhe nëpër xhepa nga kryetarët e partive të vjetra dhe kandidatët për kryetar bashkie në Tiranë shkojnë në mbi 30 milionë euro. Fiton apo i humbet zgjedhjet partia, kryetarët fitojnë gjithmonë miliarda lekë”, shprehet ish-deputeti socialist.

Sipas Kokëdhimës, kjo është arsyeja përse në Kuvend dhe në bashkitë e vendit vendosin dhe drejtojnë njerëz të inkriminuar.

Në shkrimin e tij, Kokëdhima kritikon ashpër edhe ambasadorët e huaj në Tiranë që sipas tij nuk kanë interes që vendi ynë të çlirohet nga këta kryetarë.

“Është e qartë se Shqipëria ka dështuar që të vendosë demokracinë dhe partnerët e saj perëndimorë nuk po kanë një interes të dukshëm që vendi ynë të çlirohet nga konjuktura e kryetarëve të partive të vjetra. Ka 25 vjet që Shqipëria bën zgjedhje që janë ku e ku më pa integritet dhe më të pabesueshme edhe se pseudozgjedhjet që bënte regjimi i kaluar monist. Partnerët tanë ndërkombëtarë financojnë dhe mbajnë në këmbë regjimin tiranik të Tiranës dhe certifikojnë si progresive vazhdimisht zgjedhjet tona të palira, pa standarde dhe jo demokratike. Po të bëheshin këto zgjedhje në një vend perëndimor, ai vend do të zhytej në flakë, në zjarr dhe në kaos”, shkruan Kokëdhima.