Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ish-kryeprokurorja Arta Marku merr post të ri, miratohen 6 projekt-aktet për emërimin e përkohshëm të prokurorëve nga KLP

Politiko 26 Qershor 2020, 12:18
Ish-kryeprokurorja Arta Marku merr post të ri, miratohen 6 projekt-aktet

Këshilli i Lartë i Prokurorisë me seancën plenare e zhvilluar online, ka miratuar 6 projekt-akte për caktime të përkohshme të prokurorëve. Ish-kryeprokurorja Arta Marku sipas KLP-së do të caktohet përkohësisht të ushtrojë funksionin e prokurorit të Prokurorisë pranë Gjykatës së Apelit Tiranë.

Po ashtu, mësohet se Arben Dyla është caktuar drejtues i Prokurorisë së Lushnjës, Rita Gjati u caktuar drejtuese e Prokurorisë së Kukësit, Kreshnik Ajazi u caktua drejtues i Prokurorisë në Elbasan etj. Kreshnik Ajazi aktualisht prokuror në Prokurorinë pranë Gjykatës së Shkallës së Parë Elbasan caktohet drejtues të Prokurorisë pranë Gjykatës së Shkallës së Parë Elbasan.

Rita Gjati aktualisht prokurore në Prokurorinë pranë Gjykatës së Shkallës së Parë Kukës caktohet drejtuese të Prokurorisë pranë Gjykatës së Shkallës së Parë Kukës. Arben Dyla aktualisht prokuror në Prokurorinë pranë Gjykatës së Shkallës së Parë Lushnje caktohet drejtues të Prokurorisë pranë Gjykatës së Shkallës së Parē Lushnje. Violeta Shkurta caktohet drejtuese të Prokurorisë pranë Gjykatës së Shkallës së Parë Fier. Alma Bramo caktohet të ushtrojë funksionin e prokurorit të Prokurorisë pranë Gjykatës së Shkallës së Parë Durrës.

KLP vendosi të japë leje të papaguar për arsye familjare për Bujar Hoxhën, prokuror në Prokurorinë Pranë Gjykatës së Shkallës së Parë Tiranë, për periudhën duke filluar nga data 01.07.2020 deri në datë 15.07.2020. Gjithashtu, KLP vendosi që me miratimin e strukturës së Inspektoratit të Lartë të Drejtësisë nga Kuvendi i Shqipërisë të shpallë 28 vende vakante në këtë institucion. Vendet e lira janë nga drejtor, përgjegjës te inspektor.

Vende Vakante

Në mbështetje të shkronjës “c”, pika 1, të nenit 204 të ligjit nr.115/2016 “Për organet e qeverisjes së sistemit të drejtësisëˮ, i ndryshuar, Inspektori i Lartë i Drejtësisë në zbatim të Vendimit nr. 28/2020 “Për miratimin e strukturës organizative, organikës dhe klasifikimit të pagave të personelit të Inspektorit të Lartë të Drejtësisëˮ, me poshtë po shpall procedurat e rekrutimit për grupin e parë të vendeve vakante,  sipas ligjit 152/2013 “Për nëpunësin civil”, i ndryshuar.

Të gjithë të interesuarit të konsultojnë faqen zyrtare të ILD-së, në ditët në vijim, për shpalljet e mbetura, në plotësimin e organikës të ILD-së.

  1. 18 (tetëmbëdhjetë) Ndihmës Inspektorë, Njësia e Ndihmës Inspektorëve, pranë Zyrës së Inspektorit të Lartë të Drejtësisë – Kategoria II-b

  2. 1(një) Sekretar i Përgjithshëm, në Zyrën e Inspektorit të Lartë të Drejtësisë – Kategoria I-a

  3. 1(një) Drejtor i Përgjithshëm i Drejtorisë së Përgjithshme të Çështjeve dhe Shërbimeve Juridike, në Zyrën e Inspektorit të Lartë të Drejtësisë – Kategoria II-a

  4. 1(një) Drejtor i Drejtorisë së Analizës Ligjore dhe Hartimit të Akteve, në Drejtorinë e Përgjithshme të Çështjeve dhe Shërbimeve Juridike, pranë Zyrës së Inspektorit të Lartë të Drejtësisë – Kategoria II-b

  5. 1(një) Drejtor i Drejtorisë së Shërbimeve Juridike, në Drejtorinë e Përgjithshme të Çështjeve dhe Shërbimeve Juridike, pranë Zyrës së Inspektorit të Lartë të Drejtësisë – Kategoria II-b

  6. 1(një) Drejtor i Drejtorisë Ekonomike dhe Shërbimeve Mbështetëse, pranë Zyrës së Inspektorit të Lartë të Drejtësisë, pranë Zyrës së Inspektorit të Lartë të Drejtësisë – Kategoria II-b

  7. 1(një) Përgjegjës i Sektorit të Burimeve Njerëzore dhe Arkiv Protokollit, në Drejtorinë Ekonomike dhe Shërbimeve Mbështetëse, pranë Zyrës së Inspektorit të Lartë të Drejtësisë – Kategoria III-a

  8. 1(një) Përgjegjës i Sektorit të Ndihmës Juridike dhe Ankesave, në Drejtorinë e Shërbimeve Juridike, në Drejtorinë e Përgjithshme të Çështjeve dhe Shërbimëeve Juridike, pranë Zyrës së Inspektorit të Lartë të Drejtësisë – Kategoria III-a

  9. 1(një) Përgjegjës i Sektorit të Përfaqësimit dhe Raportimeve, në Drejtorinë e Shërbimeve Juridike, në Drejtorinë e Përgjithshme të Çështjeve dhe Shërbimeve Juridike, pranë Zyrës së Inspektorit të Lartë të Drejtësisë – Kategoria III-a

  10. 1(një) Përgjegjës i Sektorit të Teknologjisë së Informacionit, në Drejtorinë Ekonomike dhe Shërbimeve Mbështetëse, pranë Zyrës së Inspektorit të Lartë të Drejtësisë – Kategoria III-a

  11. 1(një) Përgjegjës i Sektorit të Auditimit të Brendshëm, pranë Zyrës së Inspektorit të Lartë të Drejtësisë – Kategoria III-a

Të fundit