Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Desktop - General - 1

KRYESORE

Ish ministri: Si e vendosi Rama sundimin , kontrollin e individit dhe vënien e tij në varësi të shtetit

Politiko 20 Gusht 2019, 11:48

Ish ministri: Si e vendosi Rama sundimin , kontrollin e individit dhe

All - Paragraf - 1

Ish ministri i Drejtësisë, Ylli Manjani, i ka bërë një ‘skaner’ ardhjes në pushtet të qeverisë socialiste dhe se si kryeministri Edi Rama arriti ta kthente pushtetin në sundim.

All - Paragraf - 3

“Që të jemi të sinqertë, në 30 vitet e fundit pushteti politik e ka patur gjithnjë qejf të kontrollonte individin, veçanërisht individin kundërshtar. Por Rilindja synon më shumë se sa kontrollin. Ajo kërkon SUNDIMIN. Fiks si në komunizëm”, shkruan Manjani në postimin e tij në facebook.

Më poshtë, Manjani rreshton mjetet se si qeveria e Ramës përdor për të sunduar njerëzit dhe sipas tij janë:

“Zhvlerësimi i ligjit, i rëndësisë dhe shenjtërisë së tij, vendosja e policit mbi çdo institucion tjetër, propagandë të jashtëzakonshme që synon të kriminalizojë kundështarët”, shkruan Manjani.

Postimi i plotë i Ylli Manjanit

Rilindja e komunizmit.

==========

Nëse analizon ftohtë, pa emocion apo ngarkesë krahësh politikë, thelbi i qeverisjes së Rilindjes ishte:

Kontrolli i individit, vënia e tij nën varësinë e shtetit.

Që të jemi të sinqertë, në 30 vitet e fundit pushteti politik e ka patur gjithnjë qejf të kontrollonte individin, veçanërisht individin kundërshtar.

Por Rilindja synon më shumë se sa kontrollin. Ajo kërkon SUNDIMIN. Fiks si në komunizëm.

Fakt është që diçka ka arritur Rilindja. Qeverisja e saj vendos për:

-trajtimin e të sëmurëve, pavarësisht spitalit ku shkon;

- çfarë mësojnë fëmijët në shkolla pavarësisht shkollës ku studiojnë;

- thellimin më shumë sesa në palcë të borxhit publik, pavarësisht nëse paguhet dot mbrapsht apo jo;

- kush bëhet i pasur dhe kush kalon në varfëri, dallim që sa vjen e thellohet;

- kujt i merret prona, pavarësisht se mund të kesh dokument pronësie;

- kujt i jepet tenderi, pavarësisht sa i zoti është;

- kujt i hiqet liria, pavarësisht sa prova ka për fajsinë;

- kujt i llogaritet vota, pavarësisht se për kë është votuar;

Këto janë fakte që i kemi përjetuar, por njëkohësisht dhe provat e dukshme se si pushteti synon të sundojë njerëzit.

Mjetet për ti arritur këto synime janë:

1. Zhvlerësimi i ligjit, i rëndësisë dhe shenjtërisë së tij.

2. Vendosja e policit mbi çdo institucion tjetër.

3. Propagandë të jashtëzakonshme që synon të kriminalizojë kundështarët.

Pasoja është e dukshme. Individi sot ndjehet i pa mbrojtur, i survejuar, i trembur dhe i terrorizuar nga shteti, i cili ka në dorë çdo gjë të tij. Ligji, garancia e tij, ka skaduar. Është zëvendësuar nga urdhëri politik, të cilin polici, as atë nuk ta lexon.

E fundit ndërhyrje që bëri Rilindja ishte: marrja nën kontrollin e saj politik Shtetin.

Pra marrja nën kontroll politik indivindin.

Ky i fundit duhet tja dijë për nder Rilindjes që është ende në punë, që nuk e rrahin, nuk ja kanë marrë ende shtëpinë, që nuk e kanë arrestuar për verifikime, që nuk është sëmurë apo është shëruar nga një sëmundje.

Pra, duhet tja dijë për nder qeverisë pse është ende gjallë e merr frymë...

Ky quhet SUNDIM!

Ndaj nëse duhet të ndryshojë ky vend, duhet hequr Sundimtari si fillim. Pastaj duhet ndërtuar shteti jo partiak që të shërbejë dhe jo sundojë.

Mendoj se ende është e mundur të çlirohemi nga sundimi dhe të bashkohemi me perëndimin nëpërmjet demokracisë.

P.S. Unë nuk analizoj individë, por fenomene që i jetojmë. Por nëse komentet tuaja tentojnë të vënë në krahasim Ramën që sundon me të tjerët, unë qartësisht nuk jam me sundimtarin!

Jam për rotacionin politik si mundësia e vetëme demokratike që na jepet për të ndryshuar në mos të tërën, të paktën diçka.

Por duhet ndryshuar kjo situatë sepse po vjen rregjimi komunist përsëri...