Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Ish-ministrja Gjosha: Deklaratat e Ramës për bashkimin Shqipëri-Kosovë, alarmante dhe të papërgjegjshme

Politiko 27 Nëntor 2018, 11:36
Ish-ministrja Gjosha: Deklaratat e Ramës për bashkimin

Ish-ministrja e Integrimit, Kladja Gjosha thotë se “deklaratat e Kryeministrit për bashkimin me Kosovën janë një alarm i madh për dy shtete të pavarura, për të cilat perspektiva e vetme në të ardhmen është ajo europiane.”

“Shqipëria dhe Kosova janë dy shtete që me meritë duhet të ecin përkrah njëra tjetrës drejt BE, duke bashkëpunuar mbi të gjitha ekonomikisht që t’i bëjmë ballë sfidës së një konkurence të madhe tregu”, thotë Gjosha.

Sipas deputetes së LSI, deklarata të tilla nacionaliste dhe të papërgjegjshme trazojnë marrëdhëniet e brishta në Ballkan dhe nuk e ndihmojnë dialogun Kosovë-Serbi. Gjosha thekson se këto qëndrime nuk mnd të pranohen si shfajësim i Ramës i për braktisjen e qeverisjes së vendit.

“Janë deklarata të tilla nacionaliste dhe të papërgjegjshme që trazojnë gjithmonë marrëdhëniet e brishta të rajonit tonë. Janë pikërisht këto deklarata që nuk ndihmojnë vazhdimësinë e një dialogu konstruktiv mes Kosovës dhe Serbisë, si dhe e vendosin Shqipërinë në një pozicion të vështirë me fqinjët, ku politika ‘Zero Probleme me Fqinjët’ e ka humbur tashmë kuptimin! Këto qëndrime nuk mund të pranohen si shfajësim për braktisjen e qeverisjes së vendit, as për mos përmbushjen e kushteve që Shqipëria të çelë negociatat. Këto janë qëndrime të një shtetari të frikësuar që përdor kërcënimin ndaj BE-së në vend të rezultateve konkrete”, deklaron Gjosha.

Të fundit