Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ish-presidenti i Komisionit Evropian: Nëse Shqipërisë nuk i hapen negociatat, do ketë pasoja negative për BE-në

Politiko 2 Tetor 2020, 22:47
Ish-presidenti i Komisionit Evropian: Nëse Shqipërisë nuk i hapen

Ish-presidenti i Komisionit Evropian, Romano Prodi, i cili ka drejtuar KE-në 1999-2004, deklaron se nuk ka asnjë pengesë reale për të mos hapur negociatat e anëtarësimit të Shqipërisë në BE.

Duke folur në forumin “Tirana Connectivity Forum” për të ardhmen e rajonit dhe ndërlidhjet mes vendeve, tha se mos afrimi i Shqipërisë me BE-në do ketë pasoja negative

“Nuk ka absolutisht arsye për të ndaluar zgjerimin, sigurisht që duhet të jemi strikt, të vendosim parakushtet nga aspektet demokratike, por është e qartë se procesi duhet të nisë pasi në të kundër krijon vakum dhe keqinterpretim dhe mund të përgatiteni më pas për reagime negative me pasoja për të ardhmen.

Për të nisur negociatat nuk ka probleme ekonomike apo demokratike, ndaj duhet nisur analiza e reformave që duhen bërë në mënyrë që të finalizohet procesi brenda një kohe të shkurtër. Nëse më thoni cilat janë pengesat? Pengesa nuk ka! E ardhmja jonë është shumë e afërt por ne nuk e çojmë në fund këtë proces”, deklaroi z. Prodi.

Kur foli për ‘reagime negative’ dhe ‘pasoja’ të mos afrimit të Shqipërisë me BE-në, ish-kreu i KE-së iu referua interesit të Kinës dhe Turqisë për të pasur lidhje të forta. Z. Prodi tha se Kina gjithnjë e më shumë po tregon interes përr investime në Evropë dhe kjo tha është gjë e mirë për të dy palët, gjithashtu foli dhe për interesin e Turqisë tek Shqipëria, duke theksuar se nuk e sheh si gjë të keqe, por lidhja nuk ka të krahasuar me BE-në sa i takon shkëmbimeve tregtare dhe interesit afatgjatë.

Sa i takon marrëdhënieve mes Italisë dhe Shqipërisë, ish-kryeministri i Italisë tha se, dy vendet nuk kanë lidhjet e nevojshme politike që ti përgjigjen afrimiteti të komuniteteve të dy vendeve.

Të fundit