Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Isha me COVID, por tamponi më doli negativ”, gazetari rrëfen simptomat që e bën të dyshonte: E kam parë veten shumë keq

Politiko 27 Shtator 2020, 11:53

“Isha me COVID, por tamponi më doli negativ”, gazetari

Gazetari Erjon Skëndaj ka treguar se ka qenë i infektuar me COVID-19, edhe pse tamponi i rezultonte negativ. Në një intervistë për “Kjo Javë”, Skëndaj rrëfen se kishte vështirësi në frymëmarrje, temperaturë, dhimbje koke, fyti, kyçesh, djersitje, diarre dhe më pas nisi ti zbehej shija.

“Më ishte krijuar ideja e trimëruar disi, që unë e kisha kaluar më herët me gripit sezonal në janar shkurt, por nuk ishte ashtu. Për tre katër ditë pata dhimbje koke, kycesh, djersitje të pakuptimtë dhe një lodhje si gjendje të fikti, dhe një vështirësi në frymëmarrje sa nuk e mbaja dot as maskën. Temperatura nuk kishte nisur. Ia hodha fajin vapës. Por në ditën e 4-t më filloi një dhimbje shumë e madhe fyti, djegie, poshtë në pjesën e laringut, kisha një si djegie, sikur kisha marrë flakë, sikur më kishin hedhur benzinë, nuk përtypesha dot.

Nuk erdha në punë, lajmërova redaksinë për shenjat, nuk kisha temperaturë ende, më nisi një kollë shumë e fortë, lodhëse. E thatë po shumë e fortë, një kollë që të dridhej gjithë trupi trupi, kollitesha cdo 5-10 sekonda kollitesha. Nata ishte pa gjumë komplet. Në këto caste nxitova të bëj tamponin. Në fakt nxitova disi sepse duhet të kisha pritur të vinte edhe temperatura, por mendova se mos unë kisha ditë që i kisha disa simptoma periferike dhe ndoshta isha në mes të kurbës për të bërë tamponin. E kam bërë tamponin pa nisur temperatura, dhe rezultoi negativ. Pas tri ditësh më nisi temperatura, ishte diku 37.5-38 dhe pas tri ditësh temperatura m’u pre si me thikë, nuk kisha më. Ajo që nuk m’u nda asnjëherë ishte dhimbja e kokës dhe djersitja dhe bashkë me to edhe një diare prej disa ditësh. Kollën vijoj ta kem edhe tani. Në ditën e shtatë, nisi të më zbehej shija, jo të më ikë komplet. Fillova ta testoj veten te parfumi, më duhej ta afroja shumë afër që të kuptoja. Mora mjekim nga mjeku i familjes”, tregoi Skëndaj.

Po ashtu, bazuar në simptomat që tregon Skëndaj, mundësitë e një gripi të thejshtë i ka përjashtuar edhe mjeku Arjan Mezini. I ftuar në studion e “Kjo Javë”, mjeku Mezini thekson se është muaji tipik i virozave të tjera.

“Para tre -katër javësh, kur flet Erjoni ka qenë edhe piku i infektimeve, numra që arrinin në 160-170 me aq pak tamponë sa ne bëjmë. Shenjat e Erjonit, janë gjithë shenjat që kemi dëgjuar për covid. Tamponi ka rezultuar negativ, por duhet të kemi parasysh se tamponi 20-30% ka marzh fals negativiteti, do të thotë se mund të jesh covid, por tamponi del negativ”, u shpreh Mezini, ndërsa theksoi se referuar analizave të tij disa parametra tregonin për prani të Covid-it.

Skëndaj shton se një natë u ndje shumë keq dhe e kapi paniku pasi atë dhimbje se kishte provuar asnjëherë më parë.

“Një ditë e kam parë veten shumë keq. Jam zgjuar natën me një dhimbje shumë të fortë në fyt. Më kapi pak paniku. Kur kollitesha më dhimbte gjithë mushkëria dhe gati s’më mbanin këmbët. Piva një qetësuese, mendova të zbardhi dita për të ikur në spital, por fatmirësisht këtë dhimbje nuk e kisha më. Nuk e kam përjetuar kurrë këtë dhimbje”, vijoi Skëndaj, ndërsa thotë se dyshon se mund të këtë marrë virusin gjatë bashkëbisedimeve me familjarë të pacientëve të sëmurë.