Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ishte infektuar me COVID, shërohet Ralf Gjoni, apel qyetarëve: Larg panikut, larg lajmeve të rreme, kujdes maksimal

Politiko 10 Gusht 2020, 18:13
Ishte infektuar me COVID, shërohet Ralf Gjoni, apel qyetarëve: Larg

Deputeti i opozitës parlamentare, Ralf Gjoni, i ka rezultuar negativ testit të fundit për Covid-19. Deputeti i cili prej dy javësh po qëndronte i vetëizoluar për shkak të infektimit me koronavirus,duket se ja ka dalë të përmirësohet nga ana shëndetësore.

Përmes një postimi në rrjetet sociale, Gjoni shprehet se mbrëmjen e djeshme i është konfirmuar se ka dalë negativ në testin bërë. Duke mos lënë pas personat që i qëndruan pranë në këtë periudhë izolimi, nga mjekët deri tek fqinjët, Gjoni ka disa kritika për të rinjët të cilët- sipas tij- “po tregohen të pakujdesshëm dhe po refuzojnë të kuptojnë se Covid 19 do disa ditë që të inkubohet në trup përpara se t’ia transmetojnë atë të moshuarve që kanë në shtëpi.”

Deputeti u bën thirrje të rinjve të zbatojnë rregullat e vendosura nga ministria e Shëndetësisë, për t'u ruajtur nga Covid19.

Postimi i plotë i Gjonit:

Përshëndetje miq 🤗

Mbrëmë më kanë konfirmuar rezultatin negativ të testit pas dy javësh me Covid 19.

Ndjehem shumë mirë dhe gati për rikthim në normalitet.

Falenderoj Zotin për bekimet e Tij të panumërta si dhe mjekët, farmacisten time, miqtë e fqinjët që më mbështetën gjatë kësaj periudhe izolimi. 🙏

Kam kuptuar gjatë këtyre ditëve se për rreth

80% të njerëzve, frika nga ky virus është amplifikuar falë një vale histerie e lajmesh të rreme që qarkullojnë lart e poshtë.

Ndaj larg panikut, larg lajmeve të rreme, POR ama kujdes maksimal brenda kufijve të llogjikës së shëndoshë njerëzore.

Të rinjtë në veçanti po vazhdojnë të tregohen të pakujdesshëm dhe po refuzojnë të kuptojnë se Covid 19 do disa ditë që të inkubohet në trup përpara se t’ia transmetojnë atë të moshuarve që kanë në shtëpi.

Edhe pse shumica me shumë gjasa do e kalojnë lehtë, 20% e njerëzve do rrezikojnë jetën ose do përfundojnë me komplikacione.

Dhe në kushtet e një vendi si Shqipëria me sistem shëndetësor modest, kujdesi ynë ndaj të tjerëve do ishte një ndihmë e madhe për ekipet mjekësore te tejngarkuara prej rasteve të rënduara nëpër spitale.

Ripërsëris për të gjithë miqtë e mi:

Mos frekuentoni ambjente të mbyllura publike pa maskë. 😷

Lani duart sa më shpesh. 🤚

Evitoni në maksimum kontaktet fizike, veçanërisht me të moshuarit.

Nëse ndjeni shenjën më të vogël si temperaturë e lehtë, dhimbje koke, gricje fyti, ethe, frymëmarrje të vështirësuar, djersitje natën, dhimbje trupi, kollë, bllokim hundësh, humbje e nuhatjes/shijes apo çdo shenjë tjetër gripale, duhet të izoloheni menjëherë e të kërkoni kryerjen e tamponit. 🏥

#RuajVeten #LargPanikut #MbajDistancë #MbroTëTjerët #CovidFree

Të fundit