Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Italia e shqetësuar për krizën në Shqipëri, parlamenti do të mbajë seancë të posaçme

Politiko 28 Qershor 2019, 17:27

Kriza politike në Shqipëri dhe mbajtja e votimeve ditën e diel është në agjendën e parlamentit italian dhe të qeverisë së kryeministrit Konte.

Zv. Kryetarja e Parlamentit Italian Mara Carfagna, njoftoi se Forza Italia ka ndërmarrë një mocion për debat parlamentar lidhur me krizën e rëndë politike në Shqipëri dhe pasojat që mund të ketë ajo, jo vetëm për bizneset italiane të pranishme në vendin përtej Adriatikut, por edhe për frikën se një valë e re refugjatësh mund të vijnë prej Shqipërisë.

“Pak kilometra nga brigjet tona po zhvillohet një krizë serioze politike dhe sociale që nuk duket të ndikojë fare në qeverinë italiane. Në Shqipëri forcat e opozitës po protestojnë duke denoncuar një mungesë barazie në lidhje me zgjedhjet e 30 qershorit. Përplasja midis partive është kthyer tanimë në një përplasje mes qeverisë së Rama dhe Presidentit të Republikës. Nëse Italia dhe Bashkimi Evropian nuk ndërhyjnë menjëherë duke e detyruar Shqipërinë të marrë një rrugë plotësisht kushtetuese, vendi rrezikon të zhytet në paralizë institucionale dhe t’i ndërpritet bisedimet e anëtarësimit”, shkroi ajo në Faceboook.

Ajo shtoi se kompanitë shqiptare dhe shumë kompani italiane dhe evropiane që operojnë në Shqipëri do të dëmtohen seriozisht.

“ Procesi i aplikimit të vendit në BE do të ndërpritet papritmas. Për të mos të përmendur rrezikun e eksodit të mijëra shqiptarëve në Itali. Me Forza Italia ne kemi ngritur një nisme parlamentare që i bën thirrje qeverisë të ndërmarrë veprime të menjëhershme. Është përgjegjësia jonë politike dhe historike. Presim që kryeministri dhe Ministri i Jashtëm të ndërmarrin veprime të menjëhershme”, shkroi Carfagna në rrjetin e saj social.

Ftesa që krizës shqiptare t’i jepet një zgjidhje nga Farnesina po vjen nga të gjitha forcat politike italiane. Në të njëjtën kohë, vetë zv/kryeministri italian Mateo Salvini, i mbiquajtur “burri i fortë i politikës italiane” ka bërë thirrje për ndërhyrje të menjëhershme nga politika italiane. Gjithashtu ai ka nisur personalisht përpjekjet, duke i telefonuar presidentit Ilir Meta, me të cilin njoftoi se “eksploroi mundësitë” se si Italia mund të ndihmonte në kapërcimin e shpejtë e pa pasoja të krizës aktuale.

Të fundit