Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Italia i ekstradon, drejtësia shqiptare i le të lirë, kush janë dy vrasësit dhe tre trafikantët që u riarrestuan nga “Shefi” i antimafias

Politiko 14 Mars 2018, 10:49

Tashmë, është kthyer në një trend që policia të bëjë arrestimet e kriminelëve, ndërsa drejtësia i lë sërish të lirë. E njëjta gjë ka ndodhur edhe me rastet e ekstraduara nga shtetet e huaja, kryesisht nga autoritetet italiane.

Natën e mbrëmshme u finalizua operacioni i madh antidrogë “Shefi” nën koordinimin e antimafias italaine. Në pranga ranë 43 persona, mes tyre 17 shqiptarë, të cilët operonin përmes mjeteve lundruese nga deti, për të trafikuar drogë si kokainë, hashash dhe marijuanë, nga brigjet shqiptare drejt Barit e Puglia-s.

Ajo që bie në sy është fakti se disa prej personave të arrestuar përmes këtij superoperacioni nuk janë emra të panjohur për drejtësinë shqiptare dhe atë italiane, po ashtu.

Dy prej tyre janë ekstraduar nga Italia për vrasje, ndërsa tre të tjerë me një kërkim të thjeshtë rezulton se janë kapur vitet e fundit nga policia shqiptare, por siç duket janë lënë sërish të lirë, pasi ranë mbrëmë në “rrjetën “ e antimafias italine.

Elton Ismaili

Elton Ismaili ka qenë i dënuar për pengmarrjen e nipit të biznesmenit Sulo Shehu, në vitin 2003 në Vlorë. Po kështu në vitin 2007 është shoqëruar në polici me dyshimin se mund të ketë vrarë motrën e tij 6 muajshme shtatzënë, por më pas u lirua për mungesë provash. Sakaq mësohet se Ismailit i kanë vravrë edhe vëllanë në 1996-ën dhe dajën në 2006.

Fiqiret Seferi

Është ekstraduar nga Italia në Shqipëri në vitin 2014. Në atë kohë 50 vjeç nga Kavaja, ai ishte i dënuar me 18 vjet burg për vrasje në bashkëpunim.

Ky shtetas ishte i shpallur në kërkim ndërkombëtar pasi, Gjykata e Apelit Tiranë, në vitin 2011, ka lënë në fuqi vendimin e shkallës së parë të vitit 2009, që e dënoi atë me 18 vjet burg.

Ngjarja daton më 06.03.2006, kur shtetasi Fiqiret Seferi në shoqërinë e Lutfi Kibja dhe A. M. duke pirë në lokal, janë konfliktuar mes tyre. Pas një keqkuptimi në bisedë, shtetasi A.M, ka qëlluar me pëllëmbë në fytyrë shtetasin Fiqiret Seferi ,i cili ka reagur se nesër do përgjigjesh se këtë nuk ta fal. Pas mesnatës janë larguar të tre me të njëjtën makinë ,por pa arritur në shtëpi dhe të nesërmen shtetasi A. M., është gjetur i vrarë me mjete prerëse, thikë me tëtë plagë në trup. Shtetasi Fiqiret Seferi veprën penale e ka kryer në bashkëpunim me të dënuarin tjetër ,Lutfi Kibja.

Arian Kërtusha

Është arrestuar në dhjetor të 2017-ës bashkë me 4 persona të tjerë në Tiranë në bazë të operacionit “Mjegulla”, ku u sekuestruan 90 kilogramë kanabis. Bashkë me 4 të tjerë nga ky operacion u arrestua edhe Arian Kërtusha, ndërsa udhëtonte me një automjet "Mercedez Benz" me targa AA 761 KK bashkë me Pirro Çamin.

Malton Lleshi

U arrestua në dhjetor të vitit të shkuar në Itali bashkë me kamionistin Dhimo Koraj, Demo Progonati dhe Euron Hoti.

Ata u akuzuan se bashkëpunuan për trafikimin e 2.5 ton drogë që drejtohej nga Festim Lelaj, nënkomisari në Drejtorinë Vendore të Policisë së Fierit.

Gëzim Bircaj

Është një tjetër emër i njohur për policinë shqiptar. Ai është arrestuar edhe më parë në operacionin antidrogë “Lindja e Diellit”, bashkë me 6 persona të tjerë në 15 maj të 2010-ës.

Mësohet se operacioni është kryer në bashkëpunim me prokurorinë e Leces në Itali, e cila kishte lëshuar dhe fletëarrestet për të akuzuarit. Në vijim të këtij operacioni u sekuestruan e një sasie prej më shumë se 1 ton, saktësisht 1215 kg marihuanë në brigjet salentinase. Droga kishte mbërritur në Itali nëpërmjet kanalit të Otrantos. Të arrestuarit ishin Arbresh Hazizaj, 23 vjec, Almarind Brama, 26 vjec dhe Gezim Bircaj, 46 vjec.