Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Italianët që jetojnë në Shqipëri; shifrat e kryeministrit Rama 10-herë më të larta se të ambasadorit Kutilo

Politiko 6 Mars 2019, 18:27
Italianët që jetojnë në Shqipëri; shifrat e

Në intervistën e tij në emisionin “Porta a Porta” në RAI 1, kryeministri Edi Rama  teksa promovoi Shqipërinë si një vend ideal për investitorët, theksoi se në vendin tonë jetojnë rreth 20 mijë shtetas italian. Por, nuk përmendi burimin e informacionit apo kujt i referohej për këtë shifër.

“Sot, kemi me Italinë një volum tregtar prej 2,6 miliardë eurosh në vit, eksportojmë 1,2 miliardë euro, që janë shifra që me siguri duhet të përmirësohen, por që japin një ide se si ka ndryshuar Shqipëria, që vitin e kaluar arriti rekordin me gjysmë milioni turistëve italianë. Në Shqipëri ka gati 20 mijë italianë që punojnë, që bëjnë biznes, me një sistem taksash, më lejoni të them, që në Itali as që mund të ëndërrohen", pohoi kryeministri.

Megjithatë, në shifër 10 herë më të vogël të italianëve që jetojnë në vendin tonë përmendi ambasadori Alberto Cuttillo, në një intervistë për emisionin 'Opinion', dhënë më 31 janar të vitit 2019.

"Keni të drejtë. Shtypi në Itali, sikurse edhe në Shqipëri dhe për fat të mirë në të gjitha vendet e botës bazohet në opinione të ndryshme. Ka nga ata që shohin të mirën, por ka edhe nga ata që shohin të keqen. Është e vërtetë që nuk janë 20 mijë. Ne si Ambasadë, si konsullatë kemi regjistrimet tona dhe na rezulton se janë afërsisht 2 mijë italianë. Le të supozojmë senuk janë regjistruar akoma, pra, mund të jenë 3 mijë. Ama ka shumë italianë që vijnë në Shqipëri si turistë ose për punë. Nuk do të habitesha nëse në një ditë të vitit, dikush do të bënte llogaritë dhe atë ditë mund të jenë 20 mijë italianë në Shqipëri", sqaronte Cuttillo.

Në mungesë të informacioneve të sakta, secili është i lirë të vendosë se kujt duhet t'i besojë: Edi Ramës apo ambasadorit italian.

Të fundit