Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Jahti në Sarandë, gazetari: Pas çdo videoje të Ramës, qëndron një koncesion i mbrapsht

Politiko 29 Korrik 2018, 12:06
Jahti në Sarandë, gazetari: Pas çdo videoje të Ramës,

Gazetari i ekonomisë në Top Channel, Klodian Tomorri, në një shkrim të publikuar në rrjetin social Facebook, thotë se ka një arsye tjetër se pse jahtet gjigande që udhëtojnë në ujërat mesdhetare vijnë në brigjet e Shqipërisë dhe ajo është për shkak të çmimit të ulët të karburantit.

Tomorri shkruan se ky mund të duket paradoks, pasi Shqipëria është një nga 10 vendet me çmimin më të shtrenjtë të naftës në botë por, shton më tej, çmimi i karburanteve për jahtet ka një histori tjetër.

“Për shkak se jahtet konsiderohen si mall luksi, të gjitha vendet përreth nesh kanë një taksë të posaçme shumë të larte për karburantin që shkon për furnizimin e tyre. Ndërsa Shqipëria e takson karburantin e jahteve njësoj si naftën dhe benzinën, qe përdoret për automjetet e qytetareve, transportin publik apo dhe traktorët e fermerëve”, shkruan Tomorri.

Për një qeveri të përgjegjshme ky do të ishte një burim i mirë për të mbledhur ca të ardhura shtesë, thotë Tomorri, teksa shton më tej se për qeverinë tonë, rezultoi një gropë me shumë për të shpikur një koncesion tjetër që transferon taksat nga buxheti i shtetit në llogari private.

Gazetari Tomorri ndalet edhe tek vendimi i qeverisë e cila dy muaj më apë e dha me koncension portin e jahteve në Sarandë.

“Kompania që ka marrë me koncesion portin nuk ka bërë asnjë investim në të. Thjesht ka vene një gardh dhe çdo autoboti që kalon kufirin e portit për të furnizuar jahtet i merr taksen.

Ky është një biznes të paktën 5 milionë euro në vit. Pyetja që shtrohet është pse qeveria nuk i merr këto para në arkën e shtetit, por i transferon në llogari private?”, shkruan Klodian Tomorri.

Postimi i plotë

Pas cdo videoje te Rames, qendron nje koncesion i mbrapsht

Pertej kuriozitetit per te pare Shqiperine, ka nje arsye tjeter se pse jahtet gjigande qe udhetojne ne ujrat mesdhetare vijne ne brigjet e Shqiperise. Ai eshte cmimi i ulet i karburantit.

Per shume njerez ky mund te duket paradoks, pasi Shqiperia eshte nje nga 10 vendet me cmimin me te shtrenjte te naftes ne bote. Por cmimi i karburanteve per jahtet ka nje histori tjeter.

Per shkak se jahtet konsiderohen si mall luksi, te gjitha vendet perreth nesh kane nje takse te posacme shume te larte per karburantin qe shkon per furnizimin e tyre. Ndersa Shqiperia e takson karburantin e jahteve njesoj si naften dhe benzinen, qe perdoret per automjetet e qytetareve, transportin publik apo dhe traktoret e fermereve.

Jahtet kane nje konsum shume te larte karburanti. Per kete mjafton nje shembull. Jahti qe u ankorua dje ne Sarande u furnizua nga kompanite shqiptare me 850 mije litra karburante. Nese i njejti jaht do ta blinte kete sasi karburanti ne Mal te Zi apo Greqi do te duhej, qe per shkak te takses te paguante minimalisht 100 mije euro me shume per karburantin. Shume mund te mendojne se nje i pasur qe zoteron nje jaht me vlere 400 milione euro nuk i bejne pershtypje 100 mije euro. Une kam para te pasur qe bejne pazar per shume me pak. Ndoshta kjo eshte natyra njerezore. Edhe miliardereve u dhimbsen leket.

Per nje qeveri te pergjegjshme ky do te ishte nje burim i mire per te mbledhur ca te ardhura shtese. Por per qeverine tone, rezultoi nje grope me shume per te shpikur nje koncesion tjeter qe transferon taksat nga buxheti i shtetit ne llogari private.

Dy muaj me pare Keshilli i Ministrave e ka dhene portin e jahteve te Sarandes me koncesion tek nje kompani private shqiptare. Cfare ka ndodhur me pas? Koncesionari ka vendosur takse private mbi karburantit e jahteve. Respektivisht 85 dollare per cdo tone. Per sasine me te cilen u furnizua jahti nje dite me pare ne Sarande jane plot 72 mije dollare.

Kompania qe ka marre me koncesion portin nuk ka bere asnje investim ne te. Thjesht ka vene nje gardh dhe cdo autoboti qe kalon kufirin e portit per te furnizuar jahtet i merr taksen.

Ky eshte nje biznes te pakten 5 milione euro ne vit. Pyetja qe shtrohet eshte pse qeveria nuk i merr keto para ne arken e shtetit, por i transferon ne llogari private? Per pese vjet mund te gjente dhe parate per te ndertuar teatrin e ri, per te cilin thone se nuk ka fonde.

Nje shtet dhe nje qeveri kane burime te pafundme fondesh, madje te tilla qe nuk demtojne rritjen ekonomike dhe as rendojne qytetaret. Ajo qe mjafton eshte vullneti per t'i cuar parate ne arken publike dhe jo ne kontot private te koncesionareve

Të fundit