Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Jo vetëm Peter Tiede, kush janë gazetarët që u ‘sulmuan’ nga qeveria pasi kritikuan Ramën

Politiko 26 Qershor 2019, 09:06

Jo vetëm Peter Tiede, kush janë gazetarët që u

Dje, kryeministri Edi Rama ka hedhur në gjyq gazetarin e “Bild”, Peter Tiede, pas publikimit të përgjimeve të bujshme për blerjen e votave.

Piter Tiede ka publikuar gjatë dy javëve të fundit në gazetën gjermane “Bild” përgjime të dosjeve 339 dhe 184 në lidhje me skandalin e blerjes së votave në Shqipëri, në zgjedhjet e përgjithshme të 2017-ës në Durrës, si edhe në zgjedhjet lokale të 2016-ës, në Dibër.

Menjëherë sapo nisi publikimi i këtyre përgjimeve, Rama deklaroi se do të merrte masa për të paditur gazetarin Tiede.

Me këtë lëvizje Rama pretendon se gjykatat gjermane do të vendosin drejtësi, duke punësuar avokatin Matthias Prinz, i cili njihet edhe si avokati i VIP-ave.

Megjithatë, nëse kthehemi vetëm disa muaj pas në kohë, rezulton se gjermani Tiede nuk është i vetmi “kazan” i shënjestruar nga kryeministri, pasi e kritikoi me fakte konkrete në media.

Alice Elizabeth Taylo

Një rast i ngjashëm është edhe ai i gazetares angleze, Alice Elizabeth Taylo me banim në Shqipëri.

Ajo u tregua mjaft kritike me qëndrimet e saj në disa artikuj të publikuar në media, por pas shkrimit, institucionet shqiptare kërkuan anulimin rinovimin e lejes së qëndrimit për gazetares angleze në territorin tonë.

Informacioni u bë i ditur nga vetë gazetarja me anë të një postimi në rrjetet sociale ndërsa shkruante se i është kërkuar largimi nga Shqipëria, ndonëse ishte në muajin e 6 të shtatëzënisë, me fëmijën e të fejuarit të tij shqiptar.

“Qeveria shqiptare, pasi më ka sulmuar mua dhe partnerin tim për shkak të punës sime si gazetar dhe kritikat e mia ndaj tyre, tani kanë anuluar rinovimin e lejes sime të qëndrimit. Kështu që tani jam këtu në mënyrë të paligjshme dhe kërkohet të largohem, pavarësisht se kam një certifikatë mjekësore duke thënë se nuk mund të udhëtoj për shkak të komplikimeve që dalin nga të qenit gati 6 muaj shtatzënë. Me një fëmijë shqiptarë”, shkruante Taylor në 6 mars të këtij viti.

Ylli Rakipi

Në 30 janar, kryeministri Rama ngriti padi ndaj gazetarit dhe analistit Ylli Rakipi. Padia e dorëzuar në Gjykatën e Tiranës iu referua një komenti të gazetarit Ylli Rakipi, i cili u ripublikua në shumë media online. Kryeministri e paditi me pretendimin se i ka cenuar imazhin para publikut “në mënyrë të pakthyeshme”, duke kërkuar 1 milion lekë dëmshpërblim.

Rakipi iu përgjigj me një kundërpadi duke kërkuar nga Rama 2 milionë lekë dëmshpërblim.

Rama ka akuzuar në shumë raste median për shpifje.

Më herët, Rama i është drejtuar gjykatës për të kërkuar dënime penale për shpifje edhe ndaj politikanëve të opozitës apo kundërshtarëve të tij politik, gjyqe që sipas Birn në përgjithësi i ka humbur kur ka qenë në opozitë dhe i ka fituar kur ka qenë në qeveri.