Flash News

Kur nderi ‘vret’ më shumë se dhuna, Lediona Braho për Politiko: Incesti, një problem i heshtur në shoqërinë shqiptare

Vijon zjarri në inceneratorin e Elbasanit, tymi toksik rrezikon shëndetin e qytetarëve

SHBA feston 249-vjetorin e Pavarësisë

Pas ultimatumit të Ramës, japin dorëheqjen të gjithë drejtorët e bashkisë së Vlorës

Posta e mëngjesit/ Me 2 rreshta: Çfarë pati rëndësi dje në Shqipëri

KRYESORE

Jo vetëm Zaev/ Këtë vit në zgjedhje të parakohshme shkuan edhe Tsipras e Haradinaj, për Ramën ‘dielli lind sërish’

Politiko 20 Tetor 2019, 13:04

Gjatë këtij viti, disa vende të rajonit preferuan të shkojnë drejt zgjedhjeve të parakohshme, duke u hapur rrugë zgjidhjes së krizave politike.

Kështu, e para vendosi Greqia. Vetëm pak javë pasi Partia Syriza e kryeministri i majtë Aleksis Cipras pësoi humbje të thellë në zgjedhjet për Parlamentin e BE dhe në ato lokale, vendi shkoi në zgjedhje të parakohshme pa shumë debate.

Tsipras deklaroi se me vendimin për zgjedhje të parakohshme synon të shmangë disa muaj fushatë që do të mund të rrezikonte ekonominë e vendit dhe të dëmtonte përparimin që kishte bërë gjatë viteve të fundit.

Në zgjedhjet e reja kryesoi Partia Demokracia e Re nën udhëheqjen e Kyriakos Mitsotakis, ndërsa Tsipras doli në opozitë.

Në 6 tetor, e radhës ishte Kosova. Shpërndarja e Kuvendit erdhi pas dorëheqjes së Ramush Haradinajt me shumë se një muaj më parë nga posti i kryeministrit, pasi ai u ftua nga Gjykata Speciale për Krime Lufte në cilësinë e të dyshuarit.

“Pas kësaj dorëheqje mandatin ia kthej popullit dhe garoj në zgjedhje edhe unë. Por s’kam mundur ta çoj shtetin dhe kryetarin e qeverisë sepse do t’ia rëndoja Kosovës, ndaj e kam marrë këtë vendim”, u shpreh Haradinaj në konferencën për shtyp, kur njoftoi vendimin e dorëzimit të mandatit.

Në zgjedhjet e reja, partia e Haradinajt humbi, ndërsa kryesoi Vetëvendosja e Albin Kurtit dhe LDK e Isa Mustafës.

Po ashtu, Maqedonia e Veriut jep një tjetër leksion të pjekurisë politike.

Kryeministri Zoran Zaev deklaroi se qeveria bie në rast se BE refuzon sërish nisjen e bisedimeve me BE në samitin e 17-18 tetorit.

Në një dalje për mediat, një ditë më pa, ai propozoi zgjedhjeve të parakohshme parlamentare.

Pas përfundimit të mbledhjes me liderët e partive politike në Maqedoni, u arrit në përfundimin që data 12 prill 2020 të shënojë zgjedhjet e parakohshme.

Por, edhe pse i njëjti fat ishte rezervuar edhe për Shqipërinë, kryeministri Edi Rama nuk ndan të njëjtin qëndrim me homologun e tij maqedonas.

Ai fajësoi Evropën se refuzimin e dha për shkak të problemeve të brendshme dhe jo prej asaj që është bërë ose jo nga Shqipëria.

Madje, Rama deklaroi se ditën tjetër, dielli lind sërish.

“Në datën 19 tetor dielli do të lindë përsëri dhe ne do të vazhdojmë përpjekjen. Ne nuk e bëjmë këtë për shtetet e BE, por për veten tonë”, tha Rama në ‘Open’.