Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

"Ju tregoj historinë time", gratë paciente ndajnë përjetimet e tyre për 'tetorin rozë'

Politiko 8 Tetor 2019, 20:15

Sot, në ambientet e Onkologjikut, dyer të cilat presin e përcjellin ata të cilët meritojnë vëmendje jo vetëm në tetor por gjatë gjithë vitit, është zhvilluar aktiviteti me tematikë "Ju tregoj historinë time".

Ky aktivitet është organizuar nga Europa Donna Albania, në bashkëpunim me QSUT (Qendra Spitalore Universitare 'Nënë Tereza'), me gratë paciente me kancer gjiri dhe me mjekët e këtij shërbimi.

Historia e një prej pacienteve të Onkologjikut, e cila sot mbushte 5 vite nga diagnostikimi, ishte kryetema, e cila frymëzoi gra të tjera të ngjashme si ajo, për të cilat ajo përkujdeset edhe me këshilla psikologjike pasi M.D është dhe psikologe.

Dr. Helidon Nina, Drejtor mjekësor i Spitalit Onkologjik ishte i pranishëm në këtë aktivitet, i cili theksoi edhe njëherë rëndësinë e kujdesit që gratë duhet të kenë ndaj vetes si dhe bashkëpunimi i vazhdueshëm që duhet bërë përmes instancave që janë përgjegjëse për një shërbim më të mirë ndaj pacientëve.

Dr. Nina theksoi se donacionet për gratë me kancer gjiri të parukeve dhe protezave do të vazhdonin si dhe vuri theksin edhe tek bashkëpunimi me Europa Donna Albania, e cila vazhdimisht bën takime dhe terapi grupi në dhomën "Zen" tek Onkologjiku për gratë me kancer gjiri. Takime në të cilat asistojnë dhe psikologet e këtij pavioni.

Ndërsa Shefja e Shërbimit të Onkologjikut, Silvana Çeliku, iu drejtua grave si nënë, si motër e si grua, ku bëri sërish thirrje të jenë më të ndërgjegjshme ndaj shëndetit të tyre. Të bëjnë më shumë vizita dhe të mos lënë veten pas dore. Dhe jo vetëm për kancerin e gjirit por për çdo patologji.

Tetori është 'Muaji Ndërkombëtar i Kancerit të Gjirit' dhe organizata të ndryshme, nisma dhe lëvizje, në gjithë botën, ndërmarrin aktivitete sensibilizuese dhe ndërgjegjësuese për të shpërndarë sa më shumë informacion dhe për të vetëdijësuar vajzat dhe gratë.

Në Shqipëri, organizatë e dedikuar vetëm për pacientët me kancer gjiri është Europa Donna Albania, bijë e organizatës ombrellë "Europa Donna", një koalicion evropian që vepron për të advokuar e lobuar për një shëndet më të mirë të grave paciente në gjithë Europën dhe për të respektuar të drejtat e tyre që iu takojnë me ligj.

Të fundit