Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Justifikimi i Adriatik Llallës para Kongresit Amerikan: Pse nuk mora masa për drogën dhe roli i ambasadorit Lu

Politiko 11 Prill 2018, 18:51
Justifikimi i Adriatik Llallës para Kongresit Amerikan: Pse nuk mora masa

Janë zbuluar detaje të reja nga letra që ish-Prokurori i Përgjithshëm, Adriatik Llalla i ka dërguar Nënkomisionit të Jashtëm të SHBA për Europën dhe Eurasinë në maj të vitit 2017.

Duke raportuar mbi situatën e kultivimit të lëndëve narkotike në Shqipëri, Llalla shkruan se pas qershorit të vitit 2014, situata u agravua pasi qeveria nuk mori masa të mjaftueshme.

Llala thekson se Institucioni i Prokurorisë ka kryer disa aksione por hetimet kanë rezultuar të pasuksesshme, pasi shumë efektiv policie kanë qenë të përfshirë vetë në kultivimin e kanabisit.

“Disa hetime kanë rezultuar të suksesshme, pasi i hetimet janë ‘minuar’ nga policët e përfshirë në trafikimin e lëndëve narkotike. Në disa raste të tjera, prokurorët janë detyruar të mos kryejnë veprime hetuese në terren, pasi ata janë përballur me trafikantë të armatosur. Përkundër këtij problemi të rëndësishëm, i cili është theksuar edhe nga partnerët ndërkombëtarë, kryesisht nga Italia dhe Greqia, vendet fqinje me Shqipërinë, Ministria e Punëve të Brendshme mohoi raportet. Fondacioni Soros i ofroi ndihmë qeverisë së majtë për problemin e narkotikëve. Disa sondazhe të organizuara nga organizatat joqeveritare nën ombrellën e Sorosit kanë treguar se ‘Policia është institucioni publik më i besuar’", ka shkruar Llalla.

Gjithashtu, ish-prokurori nuk lë pa përmendur edhe rolin e Ambasadorit Amerikan, Donald Lu. Sipas Llallës, Lu ka dalë në disa konferenca të qeverisë duke deklaruar se qeveria e ka luftuar kultivimin e kabanisit.

“Gjatë gjithë vitit 2016 dhe në muajt e parë të vitit 2017, Ambasadori Lu nuk përmendi problemin me narkotikë në asnjë rast. Për më tepër, Ambasadori Lu ka shprehur më shumë se një herë në takimet jopublike se ‘Drogat nuk janë problemi i Shteteve të Bashkuara të Amerikës’”, thuhet ndër të tjera në letrën e Adriatik Llallës.

Të fundit