Flash News

Pas fëmijëve të kopshtit, zbulohet një tjetër rast i helmimit nga ushqimi me salmonelë në Gramsh

Aksidenti në Gjermani/ Viktimat një burrë 53 vjeç dhe dy gra, po ktheheshin nga një festë familjare

E rëndë/ Tre shqiptarë të vdekur, katër të plagosur në Gjermani

Helmimi masiv në kopshtin e Gramshit, Prokuroria e Elbasanit nis hetimet

Tentuan të vrisnin një 58-vjeçar me sëpatë në Fier, arrestohet babai, në kërkim djali

KRYESORE

"Ka lidhje me njerëz të krimit", por kaloi vettingun, ONM apelon vendimin për gjyqtarin e Tiranës

Politiko 10 Gusht 2018, 11:15
"Ka lidhje me njerëz të krimit", por kaloi vettingun, ONM

Operacioni Monitorues Ndërkombëtar ka apeluar një tjetër vendim të Komisionit të Pavarur të Kualifikimit.

Bëhet fjalë për vendimin e datës 3 gusht, ku KPK rikonfirmoi në detyrë gjyqtarin e gjyqtarin e gjykatës Administrative të Apelit në Tiranë, Artur Malaj.

ONM ia ka paraqitur rekomandimin edhe Komisionerëve Publikë dhe kërkon që të rishikohet edhe një herë vendimi.

Kujtojmë se sipas KPK, Malaj ka bërë deklarim të saktë të pasurisë dhe është i përshtatshëm për të vijuar detyrën.

Dy ditë më parë, DSIK publikoi raportin mbi gjyqtarin dhe rezultoi se Malaj dyshohet se ka kontakte me persona të krimit.

Sipas DSIK, ish-gjyqtari i Gjykatës së Vlorës ka bërë deklarim të saktë pasurie, por është i papërshtatshëm për të vijuar detyrën, pasi dyshohet si i përfshirë në akte korruptive, duke favorizuar palë në proces në këmbim të parave dhe favoreve.

Megjithatë, KPK duket se nuk e ka marrë në konsideratë këtë raport dhe sot i dha dritën jeshile për të vijuar detyrën.

Artur Malaj është gjyqtar i Gjykatës Administrative të Apelit prej korrikut të vitit 2013. Ai u përball me Komisionin e Pavarur të Kualifikimit, i cili përfaqësohej në këtë proces nga Genta Tafa (Bungo), Suela Zhegu dhe Pamela Qirko.

Të fundit