Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kajmaku letër kryeprokurores Marku: Jam i pafajshëm, Gjykata e Janinës e vërteton

Politiko 28 Tetor 2019, 19:04

Kryetari i Bashkisë së Vorës, Agim Kajmaku i dërgoi një letër Prokurores së Përgjithshme të Përkohshme Arta Marku, ku i vë në dispozicion një dokument, sipas të cilës, Jorgo Toto, emri tjetër i Kajmakut është shpallur i pafajshëm.

Dokumenti është lëshuar nga Gjykata e Apelit për Krimet e Rënda të Janinës në Greqi. Zyra e Prokurorit të Përgjithshëm është duke e verifikuar atë në bazë të ligjit të dekriminalizimit. Letra e tij vjen pasi Prokuroria e Tiranës i konfirmoi opozitës që Kajmaku është Jorgo Toto, i cili ka pasur një proces të hapur gjyqësor në Greqi për falsifikim dokumentesh.

“Pavarësisht vendimit të pafajësisë së sipërpërshkruar, unë kam kërkuar dhe jam në pritje të të dhënave me shkrim nga ana e Prokurorisë pranë Gjykatës së Apelit të Krimeve të Rënda, Janinë, Greqi për rrethanat e marrjes së ndonjë mase sigurimi apo ndonjë urdhri ndërkombëtar kërkimi me emrin tim për këtë rast dhe në momentin që do t’i administroj, do t’ua vë në dispozicion së bashku me vendimin e plotë të zbardhur të pafajësisë nr. 236, datë 12.09.2019 si edhe do t’i pasqyroj ato edhe në dokumentin përkatës sipas ligjit”, thuhet në letrën që Kajmaku i dërgoi Markut ditën e sotme.

Kjo letër i drejtohet edhe Komisionit Qendror të Zgjedhjeve.

Të fundit