Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kampi i refugjatëve/ Paralajmëron ish-presidenti: Shqipëria rrezikohet nga terrorizmi, ka shumë të inflitruar

Politiko 24 Qershor 2018, 11:41

Kampi i refugjatëve/ Paralajmëron ish-presidenti: Shqipëria

Mundësia e ndërtimit të një kampi masiv refugjatësh nga Lindja e Mesme dhe Afrika ka përplasur liderët e politikës shqiptare dhe më gjerë.

Një ditë pasi presidenti i Parlamentit Evropian, Antonio Tajani ka deklaruar zyrtarisht se është e mundshme që kampet e refugjatëve të ngrihen në Shqipëri ose në Maqedoninë Veriore, reagon ish –Presidenti, Bujar Nishani.

Ndërsa ka analizuar situatën aktuale në vend, Nishani paralajmëron se ngritja e një kampi masiv në tokën shqiptare do të ishte një kërcënim për qytetarët shqiptarë nga rreziku i sulmeve terroriste.

“Ndërtimi i një kampi masiv refugjatësh nga Siria dhe Iraku, ku mes tyre shumë të infiltruar me qëllim nga organizatat terroriste të ISIS dhe të tjerë do synojnë pikërisht atë që bënin më parë në Irak.

Duke synuar asgjësimin e pjesëtarëve të opozitës së lirë iraniane do të ekspozonin dhe qytetarët shqiptarë në rrezikun e krimeve terroriste”, shkruan ndër të tjera Nishani.

Shkrimi i plotë:

Përse nuk duhet të ketë kampe refugjatësh nga Siria dhe Iraku në Shqipëri ?

Të dashur miq, media zbuloj para pak kohësh se Shqipëria është ofruar të ndërtoj në territorin e saj kampe pritjeje dhe strehimi për refugjatët që vijojnë të largohen nga Siria, Iraku, Afganistani dhe vende të tjera të atij rajoni.

Ky lajm ishte befasues dhe i pabesueshëm për çdo njeri normal në Shqipëri dhe Evropë.

Shqipëria një vend që prej pesë vitesh ka humbur mbi 400 mijë qytetarë të saj, të larguar në emigracion nga varfëria dhe mungesa e shpresës, në një valë të paparë që prej atij të fillim viteve ‘90 kur shqiptarët dolën nga diktatura gjysëm shekullore.

Shqipëria e kthyer prej tre vitesh në bazën e trafikut të kanabisit në Adriatik dhe trampolina e kokainës në Mesdhe, nga krimi i organizuar.

Shqipëria e shndërruar në shtetin me administratën publike më të korruptuar dhe partiake jashtë çdo kontrolli.

Shqipëria, shteti me policinë e tradhtuar dhe shkatërruar e cila nuk guxon të godasë krimin e lidhur me pushtetin dhe as të kontrolloj kufirin si domen i trafikantëve që kanë prodhuar vota të blera për pushtetin.

Këto e plot zullume të tjera që ja kanë kërrusur shpinën Shqipërisë tonë të dashur nga këta zullumqarë pushtetmbajtës, janë arsyet pse befasojnë e lënë pa fjalë çdo njeri normal nga aventurizmi pa kufi i kësaj qeverie.

Si në dhjetëra skandale të mëparshme edhe këtë rradhë, prej reagimit qytetar, qeveria nxitoj ta përgënjeshtroj lajmin.

Nuk vonoj shumë, përsëri e përsëri si në të gjitha komeditë e mëparshme qeveritare dhe “përgënjeshtrimit qesharak” të qeverisë i doli boja dhe u demontua.

Personalitete të larta të politikës gjermane konfirmuan zyrtarisht se : “Qeveria Shqiptare ka propozuar një kamp të tillë në Shqipëri dhe është vetofruar për këtë”.

E vërtet që shqiptarëve nuk ju ka munguar kurrë sensi i solidaritetit.

Zakoni i mikpritjes të kujtdo në nevojë, ka qenë bashkëudhëtar i tyre në tërë historinë e vet.

Kjo ka qenë dhe arsyeja që u pritën, akomoduan dhe mbrohen një numër i konsiderueshëm anëtarësh të opozitës së lirë iraniane të cilët sulmoheshin dhe ekzekutoheshin në mënyrë barbare, gra e fëmijë, në kampet e mëparshme në Irak.

Që prej vendosjes së tyre në Shqipëri jeta e tyre ka qenë e mbrojtur dhe e sigurt.

Pikërisht ndërtimi i një kampi masiv refugjatësh nga Siria dhe Iraku, ku mes tyre shumë të infiltruar me qëllim nga organizatat terroriste të ISIS dhe të tjerë do synojnë pikërisht atë që bënin më parë në Irak.

Dyke synuar asgjësimin e pjesëtarëve të opozitës së lirë iraniane do të ekspozonin dhe qytetarët shqiptarë në rrezikun e krimeve terroriste.

Aventurizmi i qeverisë shqiptare që është e gatshme ta copëtojë e ta shesë territorin e Shqipërisë, apo ta kthej atë në fushën e sulmeve terroriste, nuk e bën dot këtë analizë rrisku.

Qëllimi i saj i vetëm është të mbulojë, mohojë dhe ti tolerohet lidhja me krimin e organizuar dhe përlyerja e ministrave të brendshëm në trafikun e drogës.

Për të është e nevojshme vetëm që bota të mbyllë sytë ndaj shkatërrimit të shtetit ligjor dhe standardeve të demokracisë në Shqipëri.

Por, për fat, miqtë dhe partnerët serioz të shqiptarëve i bëjnë këto analiza dhe vlerësime të rrezikut ndaj veçse shokohen, por dhe i denoncojnë këta aventurierë që i kemi për hise ende mbi qafë !