Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Desktop - General - 1

KRYESORE

“Kampi i shfarosjes në Tepelenë s'ka qenë i keq”, historiani akuzon Xhufin: Je një përsheshaxhi komunist

Politiko 4 Prill 2018, 18:34

“Kampi i shfarosjes në Tepelenë s'ka qenë i

All - Paragraf - 1

E kaluara jonë komuniste ka shkaktuar shpesh herë debate në mediat shqiptare, së fundmi shkak për debat është bërë kampi i Tepelenës.

All - Paragraf - 3

Në një debat me tone fyese ka nsiur mes historianit Pëllumb Xhufi dhe ish-kreut të arkivës në Ministrinë e Brendshme Kastriot Dervishi.

Ky i fundit ka replikuar sërish sot pas deklaratave të bëra mbrëmë në “News 24” në “studio e Hapur” historiani Xhufi. Dervishi në një postim në rrjetin social Facebook shkruan se “këto postime lidhen me Arkivin e Ministrisë së Brendshme, të cilin, sipas tij unë e paskam bërë “përshesh”… Këtë “përshesh” nuk e tha se ku e kishte parë, por mbase e ndjente se aty ku i dhemb partisë së krimit, i dhemb edhe Xhufit”.

Postimi i plotë:

Përsheshaxhiut Pëllumb Xhufi

Dje, agjitatori komunist Pëllumb Xhufi, duke u marrë sërish me mënyrën teknike dhe përmbajtësore të postimeve të mia në fb, konsumoi disa shpifje që lidhen me aktivitetin e Arkivit të Ministrisë së Brendshme. Fillimisht tha që këto postime lidhen me Arkivin e Ministrisë së Brendshme, të cilin, sipas tij unë e paskam bërë “përshesh”. Asnjë dokument, që përmendte Xhufi për përsheshin e tij, nuk është i Arkivit të MB-së, por i arkivave të tjera të shtetit shqiptar. Nëse Xhufi do kishte inteligjencë minimale, normalisht duhej ta kuptonte se në çdo shkresë kjo është e qartë. Këtë “përshesh” nuk e tha se ku e kishte parë, por mbase e ndjente se aty ku i dhemb partisë së krimit, i dhemb edhe Xhufit. Ai nuk ka qenë asnjëherë në Arkivin e MB-së. Të gjitha këto që thotë i ka nga urrejtja klasore (asnjë krim komunist nuk duhet bërë i ditur) dhe zilia (për këtë i ngelet vetëm të plasë). Duke mos u marrë shumë me këtë çështje, sepse është humbje kohe të marr porosi e urata nga agjitatorë komunistë që mbrojnë krimet e një prej regjimeve më terroriste në botë, e quaj të nevojshme të sqaroj publikun se si e gjeta unë Arkivin e MB-së dhe çfarë u bë me të gjatë kohë të drejtimit të këtij Arkivi prej meje.

Në qershor 2007, kur mora drejtimin e Arkivit, gjeta një institucion të degraduar, në nivel sektori. Jo vetëm prej viteve të tranzionit, por edhe prej shumë defekteve të trashëguara nga regjimi komunist, sepse komunistët nuk dinë as të bëjnë dhe as të mbajnë arkiva. Në Arkiv nuk njihej as kompjuteri. Punonjësit shkruanin me shkrim dore në modele të vjetra e jashtë kohe formularësh. Dy fondruajtësit (ata që mbajnë çelësat e depos) ishin pa status dhe pa rrogë. Zyrat në qendër me probleme të mëdha mobilimi, ndërsa dy depot ku ruhej fondi arkivor, me shumë mangësi. Fondi arkivor nuk dihej sa ishte, regjistri i fondeve mungonte, emërtimi i fondeve mungonte, inventari i fondeve ishte në masën 20% dhe jo i kompjuterizuar (struktura e fondeve me defekte), kishte paqartësi në bazën ligjore arkivore, lista e afateve të klasifikuara nuk ishte miratuar, certifikata e sigurisë nuk njihej fare, etj, etj.

Në vitet vijuese, Arkivi u bë drejtori, u miratuan rregulloret e brendshme, u hartua regjistri i fondeve arkivore, u sistemuan dhe u bashkuan dhe përpunuan të gjitha fondet e degëve të punëve të brendshme, drejtorive të Sigurimit të Shtetit, Drejtorisë së Policisë Popullore, u vendosën etiketa të reja të kompjuterizuara në çdo kuti të dosjeve (është i vetmi arkiv në Shqipëri me këtë sistem), etj, etj. Të gjitha me një punë të madhe me zero buxhet shtetëror. U sistemua depoja kryesore të shkolla e qenve në të cilën, si pasojë e mungesës së çdo investimi (ujë nga tarraca, drita e diellit), shumë dokumente ishin në gjendje myku. U tërhoqën nga depoja tjetër e Krrabës, dokumentet e vlefshme, të cilat qëndronin nëpër arka qysh prej shkatërrimit të vitit 1997. Në këtë depo në arka janë gjetur pa fund minj të ngordhur, gjarpërinj, insekte, etj. U dhanë 100 mijë përgjigje në kuadër të procesit të dëmshpërblimit të ish të dënuarve politikë, u morën 3 vendime deklasifikimi dhe u përgatit i gjithë fondi për deklasfikimi, me kosto zero (të gjithë botën kjo punë shtesë paguhet), pa qenë nevoja për ligje të tjeta.

Sistemi i grupit kryesor të dokumenteve përfundoi në korrik 2014. Duheshin edhe tre muaj që të mbaronte ky inventarizim që nuk u bë sepse pengesë ishte MB-ja. Çfarë ndodhi gjatë mandatit të “Rilindjes”? Një urrejtje e madhe shpërtheu ndaj Arkivit. Nga 8 punonjës që kishte arkivi janë hequr nga puna 7 të tillë, me lloj-lloj metodash krejt idiote e në shkelje të ligjit. U hoq arkivistja më e vjetër që kishte 25 punë. U hoq fondruajtësi tjetër që administronte gjysmën e depos. Veprimet ndaj Arkivit kanë qenë antishtetërore dhe antikombëtare. Këto janë “përsheshi” që Pëllumb Xhufi as ia ka idenë.

Sigurisht kam aq shumë për të thënë sa nuk e ka idenë ky agjitator komunist. Kush më ka parë në punë, e di që kam qenë gjatë gjithë ditës në këmbë e që nuk kam gëzuar asnjë lloj privilegji në një institucion që luftohej tmerrësisht nga ministria që e kishte në varësi. Ka 5 vjet që nuk mbyllin dot inventarizimin e pak fondeve që ngelën. Sigurisht, ky i përsheshit do kohë të iluminohet për arkivat.