Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kaosi me pasaportat shqiptare në Greqi, Agron Tare zbulon marrëveshjen: Nga 15 tetori, qytetarët do pajisen me dokument për 15 ditë

Politiko 1 Shtator 2020, 11:49
Kaosi me pasaportat shqiptare në Greqi, Agron Tare zbulon

Zv. Ministri i Jashtëm, Agron Tare, njofton masat e reja të cilat priten t’jua bëjnë më të lehtë shqiptarëve që jetojnë e punojnë në Greqi pajisjen me pasaporta. Në një intervistë për Neës 24, Tare tregon se falë lehtësirave të krijuara, që nga 15 tetori, të gjithë shqiptarët që jetojnë në shtetin grek mund ta marrin këtë dokument brenda 15 ditësh.

“Nga momenti i aplikimit deri në momentin që do e marrin pasaportën në dore, ne do arrijmë ta bëjmë për 15 ditë, gjë që nuk arrin të bëhet as në Shqipëri”, u shpreh Tare.

Numri dy i ministrisë së jashtme të Shqipërisë pranon se ka patur problematika ndër vite në ambasadën shqiptare në Greqi dhe për këtë shkak është vendosur ngritja e një task force të posaçme, e cila pritet t’i jap zgjidhje këtij problem.

“Afati i pritjes varionte ka qenë 5 deri në shtatë muaj, arsyet nga më të ndryshmet, paaftësia dhe abuzimi Ditën e shtunë kemi vënë një task forcë nga ministria e jashtme që tu përgjigjej gjithë emaileve të qytetarëve”, tha Tare.

Për prodhimin në kohë të dokumentave, Tare shprehet se se brenda javës pritet të arrihet një marrëveshje me Ministrinë e Brendshme.

“Në momentin që qytetari aplikon fillon prodhimi i pasaportës në zyrat e ‘Aleat’ në Tiranë. Me postë të shpejtë, brenda 48 orëve, shkon në ambasadë pasaporta, qytetari ka opsionin, ose të vijë ta marrë në ambasadë, ose t’i shkojë me postë në qytetin ku jeton.”

Pas Greqisë, zëvendës ministri paralajmëron se një taskë forcë për zgjidhjen e problematikave të ngjashme do të ngrihet edhe në Itali. Sipas zv. Ministrit, një gjë e tillë bëhet pasi pritja e qytetarëve shqiptarë në vende të ndryshme të BE-së për pajisjen me pasaportë, vijon të mbetet një problem.

Të fundit