Flash News

Vijon zjarri në inceneratorin e Elbasanit, tymi toksik rrezikon shëndetin e qytetarëve

SHBA feston 249-vjetorin e Pavarësisë

Pas ultimatumit të Ramës, japin dorëheqjen të gjithë drejtorët e bashkisë së Vlorës

Posta e mëngjesit/ Me 2 rreshta: Çfarë pati rëndësi dje në Shqipëri

Kërcet arma në Durrës, plagoset një 30-vjeçar

KRYESORE

Kaosi në Kakavijë, reagon Robert Gajda: Lleshaj dhe Cakaj të ndërmjetësojnë me autoritetet greke

Politiko 14 Gusht 2020, 11:49
Kaosi në Kakavijë, reagon Robert Gajda: Lleshaj dhe Cakaj të

Situata kaotike e krijuar prej tri ditësh në pikën kufitare të Kakavijës me radhë kilometrike dhe orë të gjata pritjeje ka sjellë reagimin e komisionerit për Mbrojtjen nga Diskriminimi Robert Gajda.

Ai i ka drejtuar një apel, Ministrisë së Punëve të Brendshme dhe asaj të Jashtme që të ndërhyjnë  me urgjencë për zgjidhjen e kësaj situate të pazakontë.

“ Komisioneri për Mbrojtjen nga Diskriminimi po ndjek me shqetësim situatën në pikën kufitare të Kakavijës, që për shkak të marrjes së masave anti COVID19, ka shkaktuar vonesa e vështirësi në kalimin e qytetarëve shqiptarë në Republikën e Greqisë.

Radhët e gjata, temperaturat e larta dhe mungesën e shërbimeve të higjienës e ndjejnë më shumë të moshuarit, gratë shtatzëna, fëmijët dhe personat me aftësi të kufizuar, si dhe njerëzit me probleme me shëndetin.

Në këtë kontekst, Komisioneri për Mbrojtjen nga Diskriminimi nxit Ministrinë e punëve të Brendshme dhe të Jashtme të marrin masa pozitive të përkohshme për familjet që kanë në brendësi këto kategori, për kalimin e menjëhershëm të kufirit.

Po kështu, ministritë të ndërmjetësojnë me autoritetet greke për rritjen e numrit të personave që kalojnë kufirin, për t’iu përgjigjur situatës së pazakontë në pikën kufitare të Kakavijës.

Komisioneri për Mbrojtjen nga Diskriminimi vlerëson rëndësinë e masave pozitive të përkohshme, në përputhje me protokollet e OBSH për luftimin e pandemie COVID19, për të gjetur një pikë mirëkuptimi me qytetarët dhe autoritetet”, reagoi Gajda.

Të fundit