Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Karantina me dy binjakë/ Sonila dhe Ervini rrëfejnë ditët e izolimit me fëmijët e tyre: Eksperiencë sfiduese dhe e vështirë

Politiko 2 Maj 2020, 17:11

Është gjithnjë e vështirë të kalosh karantinën me fëmijë – sidomos kur i ke binjakë. Ferdinandi dhe Klea janë dy binjakët 4-vjeçar, të cilët prej fillimit të pandemisë janë karantinuar në shtëpi. Teksa në karantinë këto kohë – për shumicën e fëmijëve – ekranet janë bërë një pjesë integrale e jetës së tyre të përditshme, për Klean dhe Ferdinandin jo dhe aq.

Mami Sonila dhe babi Ervini përpiqen shumë që fëmijët e tyre binjakë t`i mbajnë sa më shumë larg televizorëve dhe smartphone-ve. Por në kushte karantine, kur nuk i argëton dot jashtë është akoma më e vështirë t`i mbash fëmijët në mënyrë që të mos bëjnë jetë sedentare.

Prandaj, e gjithë familja është angazhuar që fëmijët të mos ndjejnë karantinën dhe të argëtohen me lojëra të ndryshme. Në karantinën e Kleas dhe Fredit, është bashkuar dhe kushërira e tyre, Dea. Dea e ka mamin doktoreshë dhe duke qenë se ajo është çdo ditë në spital, prej disa javësh po rri tek tezja ku argëtohet pafund me kushërinjtë binjakë.

“Pak më e vështirë ka qenë me mbesën për t`i shpjeguar pse s`duhet të takojë prindërit fare këtë periudhë. Gjithmonë pa i trembur por duke vënë thekson tek rëndësia e higjienës besoj ia kemi dalë deri tani,” – shprehet Sonila, e cila është dhe psikologe dhe sigurisht që profesioni i saj ia lehtëson punën në komunikimin me fëmijët.

[caption id="attachment_379773" align="alignleft" width="343"] E krijar nga Klea, Fredi dhe Dea[/caption]

Sonila Filaj është mamaja e dy binjakëve, e cila në videot që na ka dërguar preferon të rrijë në prapaskenë dhe është “truri” i lojërave dhe organizimeve të Kleas dhe Fredit. E ndërsa babai, Ervin Filaj, nuk përton aspak të bëhet “fëmijë” që të gëzojë dy sybojëqiellët e tij. Megjithëse të angazhuar dhe me shumë punë, dy prindërit e kanë parë me përparësi argëtimin e fëmijëve të mbyllur brenda katër mureve që të mos e ndjejnë për keq mos-daljen.

Ditët e para, nuk kanë qenë dhe aq të vështira. Në bisedën që Politiko bën me mami Sonën, ajo tregon se ditët e para i morën më shumë si “ditë pushimi”. Dy binjakët u gëzuan disi që nuk do shkonin në kopsht, do kalonin kohë me mamin dhe babin – të cilin e kishin gjithë ditën në shtëpi.

Por teksa karantina po zgjat më shumë sesa një fëmijë mund të përllogarisë, Klea dhe Fredi e ndjejnë mungesën e daljeve e lojërave jashtë. E vetmja mënyrë që Sonila dhe Ervini gjetën për të argëtuar fëmijët ishte të kthenin ballkonin në “kënd lojërash”.

Por e gjitha kjo nuk është dhe aq e lehtë, për ata që janë prindër, sigurisht që një angazhim i tillë do të thotë kërkesa më shumë dhe pritshmëri më të larta për prindërit. Sonila vazhdon rrëfimin teksa Klea dhe Fredi kishin një refren përsëritës “cila është loja e radhës”. Kjo kërkesë është shtuar tani që qeveria lejon mamatë me fëmijët nën 10-vjeç të dalin në fundjavë në një fashë orari të caktuar.

Por si ua kanë shpjeguar dy 4-vjeçarëve (që në muajin e ardhshëm bëjnë 5) pandeminë globale të koronavirusit?

Mamaja e dy binjakëve tregon se ajo bashkë me bashkëshortin e saj kanë filluar t`u flasin për koronavirusin qëkur kopshtet u mbyllën – me 9 Mars – sigurisht që është bërë një përshtatje për moshën e tyre duke përfshirë dhe përrallat e personazhet e tyre të preferuara të kullave që rrinë në shtëpi dhe mposhtin personazhin e keq, që në këtë rast është COVID-19.

[caption id="attachment_379771" align="alignright" width="768"] Nuk mund të mungonte sfida më e famshme nga karantina[/caption]

Por, një nga momentet më të vështira ka qenë padiskutim kur fëmijëve u është komunikuar që nuk duhet të takojnë gjyshërit, vijon Sonila:

“Çfarë ka qenë pak më e vështirë për t`iu shpjeguar ishte momenti kur u thamë pse nuk mund të takojmë gjyshërit.”

Ajo që u mungon më shumë Kleas dhe Fredit, janë lojërat në natyrë, shokët dhe lulet. Por koronavirusi, nxit imagjinatën e tyre dhe madje ata në bisedat e darkës e shohin vetën shkencëtarët e ardhshëm që do shkatërrojnë virusin:

“Patjetër që lojërat në natyrë por tani kanë filluar të na mungojnë shumë shokët. Një ditë vajza na u lut që të dilnim në një fushe dhe të mblidhte lule sepse ka ardhur pranvera thoshte. Ndërsa lutja e darkës së djalit tonë është që ai të bëhet sa më shpejt shkencëtar që ta shkatërrojë virusin në mënyrë që të gjithë fëmijët të shkojnë në plazh.”

[caption id="attachment_379774" align="alignleft" width="1024"] Muri i Kleas dhe Fredit[/caption]

Teksa në video duket çdo gjë bukur (videon mund ta shihni në fund të shkrimit) karantina nuk ka qenë aq e lehtë për dy prindërit.

“E gjithë kjo periudhë është sfiduese, dhe nga ato të vështirat shumë. Fokusi dhe objektivi ynë pavarësisht të gjithë problemeve shëndetësore, ekonomike dhe psikologjike qe mbart kjo periudhë ka qenë të krijojmë një mjedis sa më të qetë, e argëtues dhe shumë kreativ për 2 fëmijët dhe mbesat. Pasojat psikologjike të karantinës, sidomos te fëmijët dhe adoleshentët do shfaqen më vone ndaj duhet të jemi të kujdesshëm shumë në organizimin e ditës së tyre,”- thekson mami Sona.

Për Sonilën dhe Ervinin, masat e ndërmarra nga qeveria janë të duhurat, duke marrë parasysh kapacitete që ka Shqipëria. Vetë çifti janë përpjekur të respektojnë me rigorozitet masat, teksa tregojnë se nuk është se nuk ndihen të rrezikuar por ndjekin me përpikëri rekomandimet e ekspertëve.

[video width="848" height="480" mp4="https://cdnimpuls.com/politiko.al/uploads/2020/05/WhatsApp-Video-2020-05-02-at-16.29.10.mp4"][/video]

Politiko.al/d.z