Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Karantina për një deputete/ Rudina Hajdari: Iu tregoj ditët e ‘izolimit’, nga koha që i kushtoj vajzës, te mbledhjet online të Parlamentit

Politiko 9 Prill 2020, 16:26
Karantina për një deputete/ Rudina Hajdari: Iu tregoj ditët e

Deputetja e opozitës Rudina Hajdari tregoi për Politiko.al se si po e kalon karantinën për shkak të koronavirusit. Ajo shprehet se nuk e kishte menduar kurrë që një pandemi si “COVID-19” do të bënte të domosdoshmër karantinimin e gjithë globit.

Rudina Hajdari, tregon gjërat pozitive të kësaj situate, siç është koha që tashmë ka në dispozicion për t`i kushtuar vajzës së saj, ndërsa tregon se karantina nuk është një “luks” për shumë shqiptarë të cilët nuk kanë mundësi ekonomike dhe financiare.

Çfarë imagjinoje (të vinte në mend) kur dëgjoje fjalën ‘karantinë’ para se ti (dhe bota) të përballeshme me Covid-19?

Konceptimin e kisha mbi termin, por nuk e kam menduar asnjëherë që një pandemi e tillë, si COVID-19, do shfaqej dhe do e bënte kaq të domosdoshëm karantinimin, në këtë rast jo vetëm të një grupi njerëzish, por të të gjithë shoqërisë nëpër botë. Nuk e kisha imagjinuar kurrë një Nju Jork të karantinuar, por ja që po ndodh. Një realitet i ri që të bën të mendosh, të reflektosh dhe të shikosh botën me sy tjetër dhe menjëherë jemi futur në autopilot në gjendje lufte, ku kuptohet disa do ja dalin dhe disa jo, por kjo gjendje kurrsesi nuk mund të keqpërdoret nga krerët e qeverisë për të mprehur pushtetin e tyre mbi çdokënd prej nesh. Duhet që të gjithë fokusohemi te fakti që kjo luftë cënon gjënë më të shtrenjtë, shëndetin fizik por edhe atë mendor, dhe asnjë nuk duhet të përfitojë nga kjo gjendje vulnerable, por duhet që të gjithë të bashkojmë forcat për ta përballuar këtë krizë. Çdo kush prej nesh ka një rol për të luajtur dhe nëse ne bëjmë detyrat tani ashtu siç duhet dhe ashtu siç na e kërkon situata, atëherë jam e sigurt që ne do jemi krenarë për mënyrën e përballimit të situatës.

Cilat janë kufizimet më të mëdha që të ka sjellë karantina? A ka ndonjë plus? 

Kufizimet që kanë ardhur si pasojë e kësaj situate janë të shumta. Duke nisur që tek mundësia për të lëvizur lirisht në komunitet, për të takuar familjarët, miqtë dhe njerëzit e afërt. ‘Sa i përket punës, jemi të detyruar t'i përshtatemi metodave online, të cilat jo gjithmonë janë 100% efektive.

Pluset janë të pakta për familjet shqiptare, sidomos kur bëhet fjalë për fëmijët që kanë nevojë të vazhdojnë edukimin e tyre. Sot shumë familje shqiptare nuk e kanë të mundur të përballojnë të kenë një kompjuter në shtëpi apo internet në mënyrë që fëmijët e tyre të ndjekin mësimet në internet. Kujtoj se familjet shqiptare po vuajnë për të siguruar nevojat më bazike, siç është ushqimi, dritat, uji apo pagesa e qerasë. Një vend si yni, ku ekonomia informale përbën gati gjysmën e ekonomisë së vendit, e bën gati të pamundur t’u sigurohet familjeve shqiptare qoftë edhe një paketë ekonomike nesër pasnesër, e cila është vonuar pamasë krahasuar me vendet e ngjashme si ne.

Shumë nga ne e kanë të mundur të qëndrojnë në shtëpi sepse duhet të sigurojnë një mënyrë për të patur një burim finaciar që të mundëson jetën e përditshme. Stresi është rritur për të gjithë dhe në këtë rast, sepse përveç shqetësimit nga rreziku i infektimit, ekziston edhe pamundësia për ta llogaritur se kur do përfundojë kjo situatë, pasi duhet të sakrifikojnë kohën e tyre, punën e tyre, qëndrimin larg të dashurve të tyre dhe shumë aspekte të tjera në mënyrë që të mos rrezikojnë veten dhe të tjerët.

Personalisht, koha e shpenzuar me familjen time dhe vajzën ka qenë gjithmonë shumë e limituar, ndaj faktin që kam qëndruar më shumë në shtëpi gjatë kësaj kohe, më ka dhënë mundësinë që të kaloj disa momente më shumë me time bijë. Ky është një aspekt pozitiv që po përjetoj dhe e ndjej që e kisha të nevojshme.

Si mendon se do të ndryshojë bota pas Covid-19?

Mendoj që kjo situatë përveç dëmeve njerëzore dhe ekonomike të shkaktuara, me vete solli edhe një mesazh të rëndësishëm për njerëzimin.

Kjo situatë na solli ndërmend të kujdesemi për shëndetin tonë, për veten, për familjarët tanë. Të jemi më të ndërgjegjshëm për gjërat më të rëndësishme në jetë, duke vendosur në epiqendër të çdo gjëje kujdesin për shëndetin tonë. Na dha sinjalin se sa mirënjohës duhet të jemi për ato që kemi, pa u zvarritur pa mbarim drejt diçkaje të panevojshme dhe jo të domosdoshme.

Na kujtoi që familja, miqtë dhe njerëzit tanë më të afërt janë bekim për ne dhe duhet të jemi falenderues ndaj tyre dhe të tregojmë kujdes.

Na dha mesazhin se edhe natyra e kafshët kanë nevojë për përkujdesje dhe mirëmbajtje, dhe jo vetëm shfrytëzim të pakriter të tyre. Morëm gjithashtu mesazhin e rëndësisë së higjenës dhe disiplinës.

Mësuam se si të kthejmë sërish sytë tek mosha e tretë, prindërit, pensionistët, të pamundurit, për t'i ndihmuar e për t'u kujdesur për ta.

Mësuam se sa shumë momente gëzimi kemi humbur me familjet tona.

Duke përmendur këto, besoj dhe shpresoj që gjithkush të ketë marrë të paktën një mesazh nga e gjithë kjo situatë dhe në përfundim, shoqëria dhe qytetarët të kuptojnë rëndësinë e bashkëjetesës në harmoni me njeriun, natyrën dhe kafshët.

Çfarë të ka bërë përshtypje gjatë kësaj kohe të përballjes me Covid-19: çfarë të ka bërë më pesimiste apo optimiste?

Sa i përket pesimizmit, në këtë fazë që jemi, mendoj që vetë gjendja e shkaktuar shkakton pesimizëm, ankth e shqetësim. Pa u nisur vetëm nga frika e infektimit, pesimizmi të shoqëron edhe në vijimësi të ndryshimeve në mënyrën e jetesës, përballimi i situatës, mbulimi i kostove ushqimore, frika e humbjeve (njerëzore dhe financiare).

Optimizëm kam parë në seriozitetin që ka treguar shoqëria kundrejt kësaj situate, gadishmërinë e trupave mjekësore, infermierëve, farmacistëve, shitësve e çdo punonjës tjetër që ka ndërmarrë detyrën e tij dhe i ka dalë ballë edhe rrezikut në mënyrë që t'ju mundësojë qytetarëve shërbimet e domosdoshme. Këto kategori meritojnë respekt dhe mirënjohje pafund nga të gjithë ne.

Politiko.al

https://politiko.al/karantina-me-5-pyetje-adi-krasta-iu-tregoj-ditet-ne-izolim-nga-kafja-e-pare-te-terheqja-ne-dhomen-e-mbretit/

 

Të fundit