Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Karnavalet në Brazil kanë filluar, qyteti mbulohet nga ngjyrat dhe tingujt e sambas

Politiko 12 Shkurt 2018, 17:30

Erdhi koha e Karnavaleve! Tashmë Brazili është pushtuar nga ngjyrat pasi është periudha më e bukur e vitit dhe sigurisht më e shumëpritura në botë.

Balerina që kërcejnë samba, kostume shumëngjyrëshe, zbukurime pa fund dhe shumë muzikë është atmosfera që i mban të mbërthyer gati gjithë të pranishmit gjatë kësaj periudhe.

Më shumë se një milionë e gjysmë turistë shkojnë në  Rio gjatë karnavaleve që zyrtarisht nisën në 10 shkurt.

Por le të bëjmë pak historik rreth këtij eventi kaq të rëndësishëm në Brazil dhe jo vetëm.

Karnavalet Braziliane janë festime të përvitshme që mbahen 26 ditë para Pashkëve. Në ditë të caktuara të Kreshmës, katolikët dhe të Krishterë të tjerë ishin të ndaluar të konsumonin mish, prandaj edhe termi "karnavale" që rrjedh nga carnelevare do të thotë, të largosh (mos konsumosh) mishin. Besohet se festimet e karnavaleve kanë rrënjë pagane në festimet e Saturnalisë, e cila u adoptua prej të krishterëve si simbol i disiplinës fetare për të praktikuar pendimin dhe përgatitjen për vdekjen dhe ringjalljen e Krishtit.

Ritmi, pjesëmarrja dhe kostumet variojnë nga një rajon i Brazilit në tjetrin. Në qytetet juglindore si Rio de Zhaneiro dhe Sao Paulo, parada madhështore udhëhiqen nga shkollat e sambave. Këto parada zyrtare ndiqen nga publiku ndërsa paradat e vogla ("blocos") ndiqen nga publiku i qyteteve më të vogla. Qytetet verilindore Salvador, Porto Seguro dhe Recife organizojnë parada në grupe nëpër rrugë duke lejuar publikun të bëhet pjesë e paradës. Ky lloj i Karnavaleve është i ndikuar prej kulturës Afrikano-Braziliane.

Turmat ndjekin trio elétricot nëpër rrugët e qytetit. Po ashtu ne verilindje, Karnavalet Olinda janë të ndikuara nga Karnavalet e Venecias të përziera edhe me kulturën dhe folklorin popullor.

Karnavalet janë festimet më të famshme në Brazil dhe janë kthyer në ngjarje të përmasave gjigante. I gjithë vendi ndalon për një javë dhe festime të ngjeshura mbahen, ditë e natë, më së shumti në qytetet bregdetare. Gjatë kësaj periudhe konsumohet 80% e birrës që konsumohet gjatë gjithë vitit dhe mikpritjen 70% e gjithë turistëve që vizitojnë Brazilin në vit.

Të fundit