Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Katër viktima në pak orë/ Krimi trondit Elbasanin dhe Shijakun, një i vdekur edhe në Tiranë

Politiko 30 Korrik 2020, 09:12

Katër viktima në pak orë/ Krimi trondit Elbasanin dhe Shijakun,

Katër viktima janë shënuar prej orës së mbrëmshme në Tiranë, Elbasan dhe Shijak.

Fillimisht, një 23-vjeçar humbi jetën mbrëmë në Elbasan. Regis Runaj ndërroi jetë rrugës për në spital pas disa goditjeve me thikë pas shpine. Ngjarja ndodhi në lagjen “Emin Matraxhiu” rreth orës 22:10, ndërsa i riu raportohet të jetë dërguar në spital me vonesë.

Burime bëjnë me dije se viktima ishte mik i Emiljano Ramazanit, i cili u ekzekutua në 20 korrik.

Runaj njihet si njeriu më i besuar i Emiljano Ramazanit, dhe një emër jo i panjohur për policinë, pasi ka qenë i skeduar nga këta të fundit si shpërndarës droge.

Policia po punon për zbardhjen e plotë të ngjarjes, ndërsa po bëhet krehja e zonës me qëllim identifikimin dhe kapjen e autorit/ëve.

Ndërkohë, Elbasani duket se u zgjua po ashtu nga një tjetër ngjarje e rëndë.

Rreth orës 05.00 është qëlluar për vdekje me mjete të forta Florian Lamçe, rreth 40 vjeç, banues në Elbasan.

Sipas policisë, viktima është konfliktuar në lokal bashkë me dy persona të tjerë me shishe dhe sende të forta dhe të tre ishin në gjendje të dehur.

Për pasojë, ka humbur jetën Florian Lamçe, i cili njihet si person me precedent dhe i dyshuar si vrasës me pagesë nga grupet kriminale të Elbasanit.

Nga ana tjetër, persona të tjerë të përfshirë në konflikt, që dyshohet për motive banale, Adriano Hajdari dhe Sokol Sanxhaktari pasi kanë marrë mjekimin në spital u shoqëruan në komisariat. Vlen të theksohet se Sokol Sanxhaktari njihet edhe si dhëndri i ish kryebashkiakut të PS në Elbasan, Qazim Sejdini.

Vrasja në Shijak

Në Xhafzotaj të Shijakut u vra edhe një 65-vjeçar dhe u plagos vëllai i tij. Sipas policisë, dy vëllezërit janë konfliktuar me një person ende të paidentifikuar, i cili mendohet se kishte shkuar në banesën e tyre për të vjedhur.

“Më datë 29.07.2020, rreth orës 23:05, në Xhafzotaj, Shijak, shtetasit F.Ç., 65 vjeç dhe F.Ç., 63 vjeç (vëllezër), të cilët ishin në tokën e tyre dyshohet se pas një konflikti çasti me 1 person janë dëmtuar me mjet prerës, ku shtetasi F.Ç., 65 vjeç, si pasojë e plàgëve të marra ka ndërruar jetë në Spitalin Rajonal Durrës.

Nga ana e grupit hetimor janë shoqëruar disa persona dhe janë sekuestruar prova materiale në vendngjarje. Vijon puna për zbardhjen e ngjarjes, identifikimin dhe kapjen e autorit”, njofton Polícia.

Një i vdekur në Tiranë

Edhe në zonën e Farkës në Tiranë u gjet i pajetë një person, i qëlluar me armë zjarri.

Në njoftimin e policisë, sqarohet se E.L., 37 vjeç mendohet të jetë vetëvrarë.

“Më datë 30.07.2020, rreth orës 07:00, në fshatin Farkë, në banesë, dyshohet se është vetëvrarë me armë zjarri shtetasi E.L., 37 vjeç. Grupi hetimor dhe shërbimet e Policisë ndodhen në vendngjarje dhe vijojnë punën për zbardhjen e plotë të rrethanave të ngjarjes.”, sqaron policia.