Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kejdi Mehmetaj i lutet Ramës dhe Tahirit: Bëni sevap, pastroni shpirtin dhe ndihmoni veten

Politiko 8 Nëntor 2017, 09:49

Deputetja e Lëvizjes Socialiste për Integrim Kejdi Mehmetaj, i ka kërkuar Kryeministrit Rama dhe ish-ministrit Tahiri të vënë dorën në zemër për shkollat të cilat sipas asaj nuk plotësojnë as kishtet minimale përzhvillimin e orës së mësimit.

Ndër të tjera Mehmetaj duke u nisur nga disa foto të një shkollave me kushte jo të mira i ka kërkuar se kryeministrit dhe ish-ministrit që lekët që fituan nga droga t’i investojnë për ndërtimin e shkollave të reja.

“Ndërkohë që organet ligjzbatuese bëjnë detyrën për t’iu vënë përpara drejtësisë, bëni sevap ca nga ato milionat e eurove që keni fituar nga droga për të ndërtuar ndonjë shkollë të re. Kështu, ndoshta ndihmoni pak edhe veten, duke pastruar disi shpirtin nga gjithë dëmet që i keni bërë shqiptarëve.”

Statusi i plotë:

Dimri ende nuk ka ardhur me gjithë egërsinë e tij, megjithatë shkollat në Shqipëri kanë filluar të ndjejnë të ftohtin dhe errësirën. Më shumë se gjysmat e institucioneve arsimore në vend nuk plotësojnë kushtet minimale për zhvillimin e mësimit. Dritat dhe ngrohja konsiderohen luks, pasi një pjesë e madhe e godinave ku zhvillohet mësim nuk kanë dyer e dritare dhe muret janë duke rënë nga lagështia dhe mungesa e investimeve.

Pavarësisht situatës së rënduar, qeveria e narkoshtetit nuk ka asnjë plan/strategji zhvillimore për të ndihmuar këtë sektor kyç për shoqërinë.

Edhe këtë vit buxheti dedikuar arsimit është qesharak, i ndërtuar pa vizion dhe pa prioritete. Qeveria është e pazonja të flasë për investime konkrete. I vetmi bilanc që mund të bëjë është sasia e drogës që shpërndahet nëpër oborret e shkollave.

Kjo qeveri nuk ka kohë të qeverisë vendin! "Kumbari" kryeministër dhe kabineti i tij të ardhur në pushtet nga paratë e drogës e kanë harruar punën pasi u duhet të menaxhojnë skandalet që çdo ditë po u plasin në dorë.

Shqipëria tani ka nevojë për njerëz që punojnë. LSI me përgjegjshmëri ndaj qytetarëve, në alternativën e saj për arsimin, ka gati një hartë të shkollave prioritare që kërkojnë ndërhyrje, rikonstruksion apo të ngrihen nga e para.

Një lutje kam për Ramën, Tahirin dhe të tjerët si ta...

Ndërkohë që organet ligjzbatuese bëjnë detyrën për tju vënë përpara drejtësisë, bëni sevap ca nga ato milionat e eurove që keni fituar nga droga për të ndërtuar ndonjë shkollë të re. Kështu, ndoshta ndihmoni pak edhe veten, duke pastruar disi shpirtin nga gjithë dëmet që i keni bërë shqiptarëve.

1 muaj 5 milionësh (euro) i Tahirit është baraz me 5 shkolla të reja!

Imagjinoni 1 muaj të kryeministrit Rama...