Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kërcënimi i Artan Fugës, Sali Berisha i del në mbrojtje dhe hedh dyshime mbi nipin e akademikut

Politiko 30 Gusht 2017, 11:54

Kërcënimi i Artan Fugës, Sali Berisha i del në mbrojtje dhe

Ish-kryeministri Sali Berisha ka reaguar pas njoftimit të akademikut Artan Fuga se ishte shantazhuar për të heshtur lidhur me problemet që ka Akademia e Shkencave, ose të zgjidhte të largohej. Berisha i ka dalë në mbrojtje Fugës, të cilin e konsideron si zërin më të fuqishëm dhe të pavarur të botës akademike në Shqipëri.

Berisha nuk beson se ky kërcënim ka dalë nga zyrat e akademisë dhe as nga Universiteti i Tiranës, por akuzat i drejton ndaj kryeministrit Edi Rama dhe zyrës së tij. Ndonëse nuk e përmend me emër, Berisha është përpjekur të përfshijë në këtë çështje nipin e akademikut, Endri Fuga, i cili është këshilltar i kryeministrit Rama.

Vet Berisha dhe zyrtarë të tjerë të opozitës i referohen Endri Fugës sa herë që hedhin dyshime për ngjarje që prodhohen në ‘zyrën e Edi Ramës’.

Reagimi i Sali Berishës:

Ultimatumi ndaj akademikut Artan Fuga eshte mesazhi i narko-shtetit per mbare intelektualet e vendit:

- Konformohuni ose Largohuni!!

Te dashur miq, akademiku Artan Fuga ka informuar dje publikun se ate, pas nje letre qe i ka derguar Akademise se Shkencave, e kane kercenuar me ultimatumin mafioz: "Hesht ose and ik"!Profesor Artan Fuga eshte sot zeri me i fuqishem dhe me i pavarur i botes akademike te vendit qe ndane karrieren e tij akademike mes universiteteve te Tiranes dhe Parisit. Ai, me veprimtarine, editorialet, publicistiken, ne permbushje te misionit te intelektualit eshte nje avokat i fuqishem dhe i pamposhtur e i pavarur i ineteresit publik!

Ultimatumi stalinist mafioz kunder tij eshte ultimatum ndaj mbare intelektualeve te vertet te ketij vendi, te cilet ose duhet te ulin koken dhe te heshtin ose duhet te qerohen. Kesaj radhe, ky ultimatum nuk u dha nepermjet Shullazit per garen per nje post por u dha per fjalen e lire, shprehjen e lire te mendimit, per lirine akademike, dhe, ata qe e porositen kete jane xhelat te vertet te lirise se shprehjes se mendimit, jane armiq te eger te intelektualit avokat dhe rolit e misionit te tij.

Nje ultimatum i tille i pashembullt nuk mund te jete, pavaresisht nga gjurmet, veper e Akademise as dhe e stafit te Universitetit Kristaq Rama, me te cilet Prof Fuga ka patur polemika dhe kundershtira.

Ky ultimatum, sipas frymes duket se eshte veper e Norieges dhe zyres se tij.

Duke shprehur solidaritetin tim te plote me profesor Artan Fugen dhe denuar me ashpersine me te madhe ultimatumin stalinist, mafioz te pushtetit ndaj tij, i bej thirrje prokurorit te pergjithshem te hetoje me perparsi kete krim te shemtuar, kete akt te rende ndaj botes intelektuale dhe demokracise, sikunder paralajmeroj Edi Ramen se heshtja jote ndaj ketij kercenimi stalinisto-mafioz deshmon se ti vet nuk je dore jashte por duket se qendron si porosites i ketij ultimatumi, dhe se per çdo cenim te prof. Fuges do te pergjigjesh personalisht me çdo gje qe meriton!