Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

"Kërkesë për tryezë me Ramën", Sindikata e Futbollistëve thirrje Dukës: S'është ‘fair’ të kërkosh nga të tjerët diçka që s’e bën vetë

Politiko 20 Shtator 2020, 18:52

"Kërkesë për tryezë me Ramën", Sindikata e

Kryetari i Sindikatës së Futbollistëve Shqiptarë, Andi Lila ka reaguar pas thirrjes për dialog të bërë nga Duka- kryeministrit Rama, ndërsa Liga Profesioniste e Futbollit ka vendosur të bojkotojë futbollin derisa të zgjidhjen kërkesat për ligjin e sportit.

Përmes një letre të hapur drejtuar Presidentit të Federatës Shqiptare të Futbollit, Armando Duka, Lila i ka kujtuar këtij të fundit kontratën kolektive për futbollistët.

Duke thënë se i kërkuar edhe më herët të ulen në tavolinë për të nënshkruar kontratën kolektive që përfshin Sindikatën dhe FSHF, ish- mbrojtësi i kombëtares shqiptare shkruan se nuk është e drejtë që Presidenti Duka kërkon ballafaqim me qeverinë për kërkesat e Ligës, kur i shmanget edhe vetë një takimi me Sindikatën e Futbollistëve.

“Kur do të nenshkruajmë Kontratën Kolektive mes Sindikatës dhe FSHF ?

Nëse ju i kërkoni qeverisë të ulet me ju në tryezën e diskutimeve përse ju shmangeni dhe refuzoni të uleni në diskutime me Sindikatën.

Në këtë situatë Sindikata është futbolli dhe FSHF është qeveria !

Kontrata kolektive është një domosdoshmëri e futbollit tonë.

Nuk është “fair” të kërkosh nga të tjerët të bëjnë diçka që ti vetë nuk pranon ta bësh”, shkruan ndër të tjera në letrën e hapur drejtuar Dukës, Lila.

Letër e hapur e Andi Lilës drejtuar Dukës:

Presidentit të FSHF z.Armando Duka.

I nderuar miku im, Presidenti i FSHF z.Armando Duka.

E lexova me shumë vëmendje letrën tuaj drejtuar Kryeministrit të vendit z.Edi Rama.

Prej disa orësh isha në dilemë nëse duhej ta shkruaja këtë letër të hapur pasi nuk do të dëshiroja që të keqkuptohem nga askush.

Për këtë arsye më duhet ta bëj këtë sqarim se: Nuk kam asnjë qëllim të bëj polemikë me ju, më besoni për këtë.

Jo unë, por asnjë dashamirës i sportit në tërësi dhe futbollit në veçanti nuk mund ti heqë asnjë presje letrës që ju i drejtoni Kryeministrit z.Edi Rama.

I nderuar z.President në këtë debat publik unë personalisht por edhe Sindikata e Futbollistëve Profesionistë Shqiptarë është shprehur qartë se është në krahun e sportit.

Në vazhdim të këtij qëndrimi, sot po ju drejtoj një pyetje të cilën jua drejtova edhe publikisht në një televizion.

Kur do të nenshkruajmë Kontratën Kolektive mes Sindikatës dhe FSHF ?

Nëse ju i kërkoni qeverisë të ulet me ju në tryezën e diskutimeve përse ju shmangeni dhe refuzoni të uleni në diskutime me Sindikatën.

Në këtë situatë Sindikata është futbolli dhe FSHF është qeveria !

Kontrata kolektive është një domosdoshmëri e futbollit tonë.

Kjo kontratë është një nga dokumentet ligjorë që i mungon reformës ligjore në futboll.

Është shumë e drejtë që bota e futbollit kërkon të drejtat e saj tek politika por të njëjtin standart vlerësimi duhet të ketë edhe bota e futbollit brenda saj.

Por nuk është “fair” të kërkosh nga të tjerët të bëjnë diçka që ti vetë nuk pranon ta bësh.

I nderuar miku im, Presidenti i FSHF Armando Duka.

Në vlerësimin tim modest, ju do të kujtoheni si Presidenti i FSHF që e modernizoi këtë institucion dhe që futbollin Shqiptar e futi në rrugën e zhvillimit ekonomik.

Si njeri vizionar, ju lutem ta shikoni me qetësi kontratën kolektive dhe të mos bini pre e këshilltarëve mediokër.

Nënshkrimi i saj i bën nder jo vetëm botës së futbollit por edhe juve personalisht.

Jam besimplotë se së shpejti do ulemi së bashku për të diskutuar kontratën kolektive.

Duke ju uruar punë të mbarë.

Me respekt

Andi Lila