Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Këshilli i Evropës thirrje Parlamentit shqiptar: Hiqni dorë nga paketa anti-shpifje

Politiko 17 Shtator 2020, 19:34

Këshilli i Europës përmes një deklarate zyrtare ka shprehur shqetësimin rreth lirisë së medias dhe mbrojtjes së gazetarëve, pas kërkesës së Ramës ndaj deputetëve për shqyrtimin në Parlament të paketës anti-shpifje.

Raportuesi i Përgjithshëm i Asamblesë Parlamentare të Këshillit të Evropës, Stefan Schennach i ka bërë thirrje Kuvendit që të heqë dorë nga ky projekt-ligji për miratimin e paketës antishpifje.

“Nxis Kuvendin që të heqë dorë nga ky projekt ligj. Një ligj i tillë mund të ketë ndikim në lirinë e medias. I referohem po ashtu Komisionit të Venecias për lirinë e medias. Edhe “Venecia” deklaron se ligji është i paqartë”, shprehet Schennach, duke shtuar se ndryshimet ligjore rrezikojnë të bëjnë dëm.

“Legjislacioni i propozuar nga Kryeministri shqiptar si një paketë anti-shpifje synon të krijojë një organ administrativ që do të fuqizohet dhe të urdhërojë mediat të heqin raportet e lajmeve mbi çështje të tilla si ‘cenimi i dinjitetit të individëve’. Është e qartë se një ligj i tillë mund të ketë një efekt tronditës mbi lirinë e medias për shkak të kushteve të tij të gjera”, thotë Schennach.

“Unë i referohem Opinionit të Komisionit të Venecias Nr. 980/2020 të 19 qershorit 2020, i cili shprehet qartë se ligji është i paqartë dhe ka të ngjarë të ketë efekt në shtypjen e fjalës së lire. Nëse nisma nuk rishikohet, rrezikon t’i bëjë më shumë dëm sesa dobi lirisë së shprehjes në Shqipëri, për sa i përket mediave në internet”, shtoi z. Schennach.

“Prandaj, unë nxis parlamentin shqiptar të heqë dorë nga propozimet aktuale dhe të rifillojë të gjithë procesin,” përfundoi Stefan Schennach.

Të fundit