Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Këshilli Shqiptar i Medias apel qeverisë: Tërhiq FNSH-n dhe RENEA-n nga RTV ORA e ORA News; SPAK të rivlerësojë kërkesën për sekuestro

Politiko 4 Gusht 2020, 17:35

Këshilli Shqiptar i Medias e ka cilësuar ndërhyrjen e FNSH dhe RENEA në mjediset e një televizioni kritik ndaj qeverisë de facto si  një sulm ndaj fjalës së lirë.

Përmes një reagimi në faqen e saj zyrtare KSHM thekson se vendimi për sekuestrimin e këtyre dy televizioneve është i nxituar, dhe kjo duket qartë në momentin kur tentohet të vihet nën “sekustro” edhe vija e tyre editoriale.

KMSH i kërkon qeverisë shqiptare tërheqjen e forcave policore dhe atyre speciale nga ambientet e dy televizioneve, ndërsa SPAK-ut të rivlerësojë kërkesën për sekuestro ndaj tyre në favor të lirisë së informacionit.

Njoftimi i plotë i KMSH:

KSHM shpreh shqetësimin e vet në lidhje me ngjarjet e fundit të zhvilluara rreth dhe në TV ORA dhe Ora News. Sulmi me FNSH dhe RENEA në mjediset e një televizioni kritik me qeverinë është de facto sulm ndaj fjalës së lirë.

KSHM mbështet shtetin ligjor dhe institucionet e drejtësisë, por, vëren se vendimi për sekuestro i këtyre dy Televizioneve është i nxituar, përderisa ka dhënë shkak për vënien nën “sekustro” edhe të vijës editoriale. Ky vendim krijon hapësira që 2 televizionet kritike me qeverinë të vihen nën administrimin e Qeverisë.

Nga ana tjetër, “interpretimi” që i ka bërë Qeveria Shqiptare kërkesës për sekuestro duke dërguar forcat speciale të policisë RENEA është në të vërtetë ai i intimidimit jo vetëm të 2 mediave të përfshira por dhe të krijimit të një efekti terrorizues ndaj mediave të tjera kritike me të.

KSHM i kërkon Qeverisë shqiptare tërheqjen e forcave policore dhe atyre speciale nga ambientet e dy televizioneve.

KSHM i kërkon SPAK-ut të rivlerësojë kërkesën për sekuestro të dy televizioneve në favor të lirisë së informacionit. Shqipëria ka shumë nevojë për drejtësi, dhe ajo bëhet më e pamundur nëse krijohen hapësira ligjore për intimidimin e punës së gazetarëve.

Të fundit