Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Këshilli Shqiptar i Medias: Kriminalizimi i shpifjes, hap mbrapa në raport me lirinë e medias, por edhe me direktivat e BE-së

Politiko 17 Tetor 2018, 16:44

Këshilli Shqiptar i Medias: Kriminalizimi i shpifjes, hap mbrapa në

Këshilli Shqiptar i Medias ka reaguar mbi propozimin e bërë nga kryeministri për kriminalizimin e shpifjes. Në një deklaratë për mediat, KSHM, e cilëson këtë propozim si një hap mbrapa në raport me lirinë e medias, por edhe me direktivat e BE-së.

“Këshilli i Medias i ka ndjekur me vëmendje zhvillimet në lidhje me propozimin për kriminalzimin e shpifjes duke e vlerësuar si një hap mbrapa në raport me lirinë e medias, por edhe me direktivat e BE-së në raport me procesin e integrimit. Këshilli beson se liria e shprehjes është instumentale për Shqipërinë, një vend që preket herë pas here nga tendecat e politikës për të ushtruar trysni mbi median dhe zërat kritikë të shoqërisë. E vetmja mënyrë për të imponuar etikë më të lartë në gazetari është lehtësimi dhe mbështetja e proceseve të vetërregullimit të medias, që është dhe objektivi kryesor i Këshillit Shqiptar të Medias”, thuhet në reagimin e KSHM-së.

Sa i takon nismës së regjistrimit të portaleve, KSHM e cilëson si një proces të vlefshëm por shprehet kundër procesit publik të ushtrimit të presionit, siç ishte rasti i publikimit të listës nga ana e AKEP, nga ku rezultoi se lista është pjesërisht e saktë.

“Regjistrimin e portaleve, në anë tjetër, e shohim si një proces adekuat dhe të vlefshëm, por jo edhe procesin publik të ushtrimit të presionit, siç ishte rasti i publikimit të listës nga ana e AKEP. Listë e cila rezultoi pjesërisht e pasaktë dhe e padrejtë me disa prej portaleve të regjistruara me procese të rregullta ligjore. Po ashtu nuk mbështesim përpjekjet për ta parë këtë hap normal legalizimi jo si databazë por si bazë për intimidim të gazetarëve të pavarur apo kritikë me qeverinë”, vijon më tej reagimi.

Këshilli Shqiptar i Medias bën të ditur se do të organizojë së afërmi një konferencë me faktorët relevantë të medias, politikës, shoqërisë civile dhe komunitetit ndërkombëtar me qëllim konfigurimin e një kornize profesionale, ligjore dhe integruese qe bazohet te shembujt më të mirë europianë.

DEKLARATË

E Këshillit Shqiptar të Medias mbi propozimin për kriminalizimin e shpifjes

Këshilli i Medias i ka ndjekur me vëmendje zhvillimet në lidhje me propozimin për kriminalzimin e shpifjes duke e vlerësuar si një hap mbrapa në raport me lirinë e medias, por edhe me direktivat e BE-së në raport me procesin e integrimit.

Këshilli beson se liria e shprehjes është instumentale për Shqipërinë, një vend që preket herë pas here nga tendecat e politikës për të ushtruar trysni mbi median dhe zërat kritikë të shoqërisë.

E vetmja mënyrë për të imponuar etikë më të lartë në gazetari është lehtësimi dhe mbështjetja e proceseve të vetërregullimit të medias, që është dhe objektivi kryesor i Këshillit Shqiptar të Medias.

Regjistrimin e portaleve, në anë tjetër, e shohim si një proces adekuat dhe të vlefshëm, por jo edhe procesin publik të ushtrimit të presionit, siç ishte rasti i publikimit të listës nga ana e AKEP. Listë e cila rezultoi pjesërisht e pasaktë dhe e padrejtë me disa prej portaleve të regjistruara me procese të rregullta ligjore.

Po ashtu nuk mbështesim përpjekjet për ta parë këtë hap normal legalizimi jo si databazë por si bazë për intimidim të gazetarëve të pavarur apo kritikë me qeverinë.

Këshilli do të oganizojë së afërmi një konferencë me faktorët relevantë të medias, politikës, shoqërisë civile dhe komunitetit ndërkombëtar me qëllim konfigurimin e një kornize profesionale, ligjore dhe integruese qe bazohet te shembujt më të mirë europianë.

Këshilli i nxit të gjitha palët drejt të kuptuarit se Media dhe liria e fjalës janë thelbësore në procesin, jo vetëm të integrimit europian, por edhe atij të brendshëm.