Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Këshilltari zbulon takimin e fshehtë mbrëmjen e djeshme PS-LSI: Dy vota kushtuan 240 mln euro

Politiko 27 Korrik 2017, 13:49

Këshilltari zbulon takimin e fshehtë mbrëmjen e djeshme PS-LSI:

Këshilltari demokrat në bashkinë e Tiranës, Akil Kraja ka njoftuar sot se këshiltarët e PS dhe LSI kanë zhvilluar mbrëmjen e djeshme një takim të përbashkët për çështjen e rritjes së tarifës së ujit. Kraja thekson se kjo votë e bashkimit u ka kushtuar qytetarëve 240 milionë euro, që do të përdoren për interesat e kryebashkiakut Erion Veliaj.

Sipas këshilltarit demokrat, PD dhe LSI mund ta bllokonin planin e Veliajt, por për partinë e Monika Kryemadhit pazari 240 milionë euro ishte më i fortë.

Mjaftuan dy vota të LSI që Veliaj t’i shkonte deri në fund planit të tij.

Reagimi i Akil Krajës:

Vota e bashkimit PS/LSI vlen 240 milionë euro. Kjo është e vetmja e vërtetë nga mbledhja e djeshme e Këshillit Bashkiak Tiranë. 180 milionë euro për UKT-në dhe 60 milionë të tjerë për konçesionin e shkollave të Tiranës. Qindra milionë euro të qytetarëve të Tiranës për interesat okulte të Erion Velisë.

Por çfarë ndodhi konkretisht.

Në mungesë totale transparence, të martën në mbrëmje, këshilltarët bashkiakë të PS dhe të LSI organizuan një takim të përbashkët pa pjesëmarrjen e shoqërisë civile e as më pak të këshilltarëve demokratë mbi çështjen e ngritjes së tarifës së ujit.

Pas këtij takimi, këshilltarët demokratë lëshuan disa thirrje publike drejtuar të gjitha forcave politike në këshill, e në veçanti LSI-së, të mos legjitimojnë këtë aferë okulte të Veliajt.

Thirrja jonë ishte fare e thjeshtë : 19 votat tona me 13 votat e LSI përbënin shumicën e vendimarrjes së këshillit (32 nga 61 këshilltarë në total). Ne mund të bllokonim Erion Velinë por pazari 240 milionë eurosh rezultoi të ishte më i fortë.

Të mërkurën, në orën 18:00, pavarësisht thirrjes sonë, LSI luajti me dy porta. Veliajt ju dha vota, popullit ju dha fatura.

Dy këshilltarë të saj, Genta Mezini dhe Agim Kraja qëndruan në sallë dhe siguruan kuorumin e nevojshëm duke ju shtuar 25 votave të PS, 3 të PDIU dhe 1 vote të FRPD.

Ndërkohë, ende pa filluar mbledhja e Këshillit, nga salla kishin dalur të gjithë këshilltarët demokratë si dhe shumica e këshilltarëve të LSI. E ripërsëris, të 19 këshilltarët demokratë kanë bojkotuar që në fillim seancën e djeshme duke mos marrë pjesë në asnjë votim apo diskutim, përfshirë rendin e ditës apo votimin e kredive të buta siç u shpif së fundmi.

Dje vota e bashkimit PS/LSI vlente 240 milionë euro. Kaq duhet mbajtur mend.