Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kim Jong Un shfaqet në publik pas tri javësh, media shtetërore e Koresë së Veriut: Preu shiritin e një fabrike të re

Politiko 2 Maj 2020, 08:41
Kim Jong Un shfaqet në publik pas tri javësh, media shtetërore e

Shfaqet në publik pas tri javësh mungesë udhëheqësi i Koresë së Veriut, Kim Jong Un.

Ai mori pjesë në përurimin e një fabrike të plehrave në Sundson, sipas agjencisë zyrtare të lajmeve koreane.

Kjo është paraqitja e tij e parë në publik e Kim Jong Un pas thashethemeve mbi gjendjen e shëndetit.

"Udhëheqësi Suprem Kim Jong Un ka prerë shiritin për përurimin e një fabrike të plehrave fosfat në Sudson", thuhet në një njoftim të KCNA. "Ai ishte i pranishëm në ceremoni" dhe "të gjithë të pranishmit e përshëndetën me brohoritje kur u shfaq, thuhet mes rreshtash në lajme. Ai vizitoi objektin dhe u "informua për procesin e prodhimit", tha agjensia.

Udhëheqësi i Koresë së Veriut nuk dalë publikisht që nga data 11 Prill. Të nesërmen, media zyrtare raportoi se kishte inspektuar bazat ajrore në Korenë e Veriut.

Pyetjet në lidhje me gjendjen shëndetësore të Kim shumëfishuan kur ai mungonte në festimet e 15 Prillit. Kjo është dita më e rëndësishme në kalendarin politik të Koresë së Veriut, pasi i gjithë vendi feston përvjetorin e lindjes së themeluesit të Republikës Popullore dhe gjyshit të Kim Jong Un, Kim Il Sung.

Në shumë mediat të huaja u përfol se udhëheqësi korean kishte ndërruar jetë pas komplikacioneve gjatë një operacioni në zemër.

Këshilltari special i sigurimit kombëtar Presidenti i Koresë së Jugut Moon Jae-in siguroi më 26 prill se Kim Jong Un ishte "i gjallë dhe shëndosh e mirë".

Presidenti amerikan Donald Trump nuk pranoi të komentojë raportin e KCNA. "Unë nuk do të komentoja për këtë," u tha republikanë gazetarëve në Shtëpinë e Bardhë. "Ne do të kemi diçka për të thënë rreth kësaj në kohën e duhur," tha Trump.

Të fundit