Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Kim Mehmeti për zhvillimet në Shqipëri: Të vërtetën e rrëfejnë opinionistë e politikanë të cilët, si kriminelët kanë nga dy emra

Politiko 11 Tetor 2018, 20:56

Kim Mehmeti për zhvillimet në Shqipëri: Të

Shkrimtari dhe publicisti, Kim Mehmeti, ka komentuar zhvillimet e fundit në Shqipëri. Mehmeti thotë se ta ndihmojmë dhe ta duam Shqipërinë edhe sot, kur fati i saj është barazuar me atë të ‘babalëve’ dhe ‘agron xhafajve”!

E në ndërkohë, duhet thënë hapur, thotë Mehmeti në reagimin e tij, duke theksuar, se siç duket, në Shqipëri, shumëçka është në duart e mafies dhe, shumica e këngëtarëve, opinionistëve, politikanëve…, janë ‘argat’ të kriminelëve dhe të narkomafias!

“Shqipërinë duhet ta ndihmojmë e duam edhe sot, kur ajo me shumëçka më shumë i ngjanë atdheut të mafiozëve, sesa mëmëdheut të shqiptarisë. Pra atë duhet nderuar edhe sot kur të vërtetën e saj e rrëfejnë opinionistë e politikanë, të cilët, njësoj si edhe shumë kriminelë, kanë nga dy emra - atë të lindjes, e atë të ‘rilindjes’- si dhe një vlerë të pamohueshme: të mos skuqen edhe kur publikisht e gënjejnë popullin!”, shprehet shkrimtari dhe publicisti Kim Mehmeti.

Reagimi i plotë

Aty ku vdes turpi dhe ku varroset e drejta, sundues janë të pafytyrët, e punëdhënës kriminelët!

Nga Kim Mehmeti

Ne duhet ta ndihmojmë dhe ta duam Shqipërinë edhe sot, kur fati i saj është barazuar me atë të ‘babalëve’ dhe ‘agron xhafajve”! Sepse vetëm ndihmesa dhe dashuria jonë e pakushtëzuar, mund atë ta nxjerrë nga balta e politikës së kriminalizuar!

E në ndërkohë, duhet thënë hapur: siç duket, në Shqipëri, shumëçka është në duart e mafies dhe, shumica e këngëtarëve, opinionistëve, politikanëve…, janë ‘argat’ të kriminelëve dhe të narkomafias! Me çka, Shqipëria u bë shtet ku politikanët e kriminelët, u ofrojnë prokurorëve dëshmitarë e prova, për ta luftuar krimin?!

Shqipërinë duhet ta ndihmojmë e duam edhe sot, kur ajo me shumëçka më shumë i ngjanë atdheut të mafiozëve, sesa mëmëdheut të shqiptarisë. Pra atë duhet nderuar edhe sot kur të vërtetën e saj e rrëfejnë opinionistë e politikanë, të cilët, njësoj si edhe shumë kriminelë, kanë nga dy emra - atë të lindjes, e atë të ‘rilindjes’- si dhe një vlerë të pamohueshme: të mos skuqen edhe kur publikisht e gënjejnë popullin!

Shqipërinë duhet ta duam e ndihmojmë edhe sot, kur është bërë shtet ku dëshmohet e vërteta e njohur se, aty ku vdes turpi dhe ky varroset e drejta, sundues janë të pafytyrët, e punëdhënës kriminelët!