Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

"Kisha e Skënderbeut lënë në mëshirë të fatit", Rama: Nuk e shembi ateizmi komunist, lihet në mëshirë të lëmoshës tani në "demokraci"

Politiko 7 Qershor 2020, 18:07
"Kisha e Skënderbeut lënë në mëshirë të

Ndërsa kryeministri Rama pak ditë më parë u zotua për rindërtimin e “thesareve” të dëmtuara të trashgimisë tonë kulturore, ish deputeti i LSI, Luan Rama përmes një postimi në rrjetet sociale treguar gjendjen “mizerable”- sipas tij- në të cilën ndodhet Kisha e Skënderbeut në Kepin e Rodonit.

Luan Rama thekson se ky monument kulture, vlerë e shtuar e trashgimisë tonë, është lënë në mëshirë të fatit, pa administrim dhe kujdesje shtetërore.

“Formalisht është monument kulture, por që nuk mbrohet nga askush!

Nuk e shembi as ateizmi komunist.

Ndërsa sot, sot që jemi kinse shtet demokatik, sot që kemi edhe ministri për punët e kulturës, ky monumet historie dhe kulture qytetërimi, është lënë në mëshirën e arkës së lëmoshës!”, shkruan ndër të tjera ish-deputeti Luan Rama.

Postimi i Luan Ramës:

Vëzhgim:

NË KEPIN E RODONIT,

KISHA E SKËNDERBEUT NË MËSHIRË

TË ARKËS SË LËMOSHËS!…

Kepi i Rodonit, ky toponim që na vjen prej periudhës protoshqiptare dhe që lidhet me emrin e mbretit ilir Redon, që njësoj si Monuni, mbreti tjetër i Durrësit, prenë monedha me emrat e tyre sipasi modelit romak, është dëshmi qytetërimi me vijimësi nëpër epoka, por që fatalish, sot është lënë në mëshirën e arkës së lëmoshës.

Pa përkujdesje, pa administrim, pa asnjë gjurmë të vëmendjes shtetërore!

Dhe më konkretisht, fjalën e kam për kishën mesjetare të Shën Ndout, që njihet dhe si kisha e Skënderbeut, për kishën ku ka predikuar edhe Imzot Pal Engjëlli dhe ku gjendet edhe shqiponja e emblemës së kastriotëve.

Formalisht është monument kulture, por që nuk mbrohet nga askush!

Është ndërtuar kur nuk ishim shtet, ka rezistuar përgjatë shekujve përballë gjithëfarëlloj lakmish dhe rreziqesh.

Nuk e shembi as ateizmi komunist.

Madje edhe shteti që ishte kundër zotit, e mbrojti me status të veçantë si monument kulture.

Ndërsa sot, sot që jemi kinse shtet demokatik, sot që kemi edhe ministri për punët e kulturës, ky monumet historie dhe kulture qytetërimi, është lënë në mëshirën e arkës së lëmoshës!

Të fundit