Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kishte apo jo ndikim Ledio Bianku në Strasburg? Partia Socialiste kontradiktore; Ulsi Manja dhe Denar Biba kundërshtojnë njëri-tjetrin

Politiko 30 Gusht 2018, 17:23
Kishte apo jo ndikim Ledio Bianku në Strasburg? Partia Socialiste

Partia Socialiste po shfaqet kontradiktore në deklaratat që po bën për skandalin ku është përfshirë nënkryetari i KQZ-së, Denar Biba dhe Ëngjëll Agaçi, sekretar i Përgjithshëm i Këshillit të Ministrave.

Një audio-regjistrim i publikuar së fundmi, tregon se si Biba ka ndërhyrë në emër të kryeministrit Edi Rama për të ndikuar nëpërmjet gjyqtarit Ledio Bianku në vendimet e Gjykatës së Strasburgut, për të ndihmuar qeverinë kundër shqiptarëve që kërkojnë pronat e tyre.

Ulsi Manja doli dje përpara mediave dhe në emër të PS u përpoq të nënvlerësonte këtë skandal. Sipas Manjës, gjyqtari Bianku nuk kishte asgjë në dorë në Strasburg, ndaj nuk mund të shantazhohej.

“Dy miq, Denar Biba dhe Ledio Bianku, flasin me njëri-tjetrin në kafe në vitin 2014 dhe na del një përgjim me fjali të shkëputura e të lidhura për shtatë palë qejfe, prej x sekondash, ku u bëka fjalë për një shantazh të narkoshtetit ndaj Gjykatës së Strasburgut! Hajde shantazh hajde! Dhe i shantazhuari, Ledio Bianku, miku i Denar Bibës, që s'ka asgjë në dorë në Strasburg për gjithë sa flitet dhe kjo është lehtësisht e verifikueshme, paska heshtur katër vjet”, u shpreh Manja, i cili është kryetar i Komisionit të Ligjeve në Kuvend.

Ndërkohë, Denar Biba ka bërë sot një deklaratë që rrëzon deklaratën e djeshme të Ulsi Manjës, çka tregon se PS të paktën ka besuar se gjyqtari Bianku ka patur mundësi që t’i ndihmonte dhe të ndikonte në këtë çështje. Në një intervistë për Top Channel, Biba pranon se i ka kërkuar ndihmë gjyqtarit për çështjen e pronave.

“I kam kërkuar mendim dhe e kam pyetur nëse ka patur kërkesa të tilla të ngjashme më përpara në Gjykatën e Strasburgut. E pranoj që i kam kërkuar që nëse kishte mundësi, brenda hapësirave ligjore, të ndihmonte që shtetit shqiptar t’i pranohej kjo kërkesë”, është shprehur Denar Biba.

Të fundit