Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

“Kjo do të jetë e fundit”, Rama ultimatum pas marrëveshjes për zgjedhoren në rezidencën amerikane

Politiko 9 Qershor 2020, 12:02
“Kjo do të jetë e fundit”, Rama ultimatum pas

Kryeministri Edi Rama e ka komentuar si rast unikal ndërhyrjen e faktorit ndërkombëtar për arritjen e një marrëveshjeje konsensuale për Reformën Zgjedhore mes palëve të Këshillit Politik.

Duke folur një mbledhjen e zgjeruar të Këshillit Kombëtar të Integrimit Europian, Rama tha se ishte e tepërt negocimi me ambasadorë për t’i lënë gjërat ashtu siç janë, ndaj shtoi do të jetë rasti i fundit që për palët të merren vesh të jetë e nevojshme ndërhyrja e ndërkombëtarëve.

“Askush nga ne nuk i shmanget dot një vrime të zezë, që për fat të keq krahasuar me vendet anëtare të BE jemi realisht të pashoq për të dialoguar mes veti, e për të gjetur zgjidhje për çështje.

Ndoshta jemi rast unikal asnjë forcë shoqërore që të predikojë asnjë rrugë tjetër

e bën të duket edhe më problematik faktin se jemi ende të paaftë që të komunikojmë shqip- shqip me njëri tjetrin. Rasti i fundit që u përshëndet është flagrant. Jemi mbledh në një ambasadë forcat e mëdha të vendit, mbyllur atje ditë e natë për të marrë vesh që nuk do bëjmë atë që duhet të bënim, por do lëmë gjërat sic janë.

Këtë s’mund ta realizonim vetë? Pse do ishte nevoja që të kërkonim strehë në një ambasadë shumë mike në vend dhe ndërveprimi mes nesh të zhvillohej në disa gjuhë. Personalisht mendoj se kjo do jetë e fundit dhe miqtë tanë të paçmueshëm nuk duhet të ndjehen më të këtë pozitë, ashtu sikundër zgjedhësit tanë nuk ka të pashoqë në dyert e ambasadave për arsye se palët nuk arrijnë të ndajnë çfarë është e përbashkët.

Nuk është sekret se me presidentin kemi çështje të hapura, patjetër mund të takohemi te presidenti, kryetari i Kuvendit, kryemyftiu i Tiranës, te Baba Mondi , edhe te protestantët për të gjetur një fushë ku nuk ka anësi, ne nuk mundet më të bëjmë dialog e marrëveshje nëpër ambasada.

Kjo duhet të jetë e fundit, edhe për mua personalisht. Për çështje që na takojnë ti zgjidhim vetë, nëse jemi seriozë për ta bërë vendin anëtarë të BE nuk mund të bëjmë më sikur s’jemi të njëjtën për zgjidhjen bashkërisht.

Këtu duhet të ishte edhe opozita. Nesër kur të vijë dita por të hyrë në BE do jetë një qeveri tjetër”, u shpreh Rama në mbledhjen e zgjeruar të Këshillit Kombëtar të Integrimit Europian.

 

Të fundit