Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Kjo është rruga që kam zgjedhur”, Fatmir Xhafaj reagon për herë të parë pas dëshmisë së Albert Velisë

Politiko 18 Maj 2018, 12:13
“Kjo është rruga që kam zgjedhur”, Fatmir Xhafaj

Ministri i Brendshëm, Fatmir Xhafaj reagon për herë të parë pas publikimit të dëshmisë së ‘bashkëpunëtorit X’ , tashmë me zë dhe figurë, i identifikuar si Albert Veliu nga Vlora.

Në një prononcim për gazetarët, lidhur me një takim mes tij dhe ambasadores gjermane në Tiranë, Susanne Schütz për njësinë e Task-Forcës në Policinë e Shtetit, Xhafaj ka komentuar dëshminë e Velisë, i cili konfirmonte bisedën komprometuese me vëllain e tij, Agron Xhafaj.

“Këtu jemi në vendin e task forcës speciale, atje jemi në vendin e sajesave dixhitale. Detyra ime është të punoj për policinë speciale, detyra e tyre është për qytetarin dixhital të tyre, unë kam zgjedhur këtë rrugë, ata rrugën e tyre, për mua e rëndësishme është të bëj detyrën”, u shpreh Xhafaj dhe më pas u largua, bashkë me ambasadoren gjermane.

Ministri foli edhe për marrëdhëniet e bashkëpunimit mes Shqipërisë dhe Gjermanisë sa i takon njësisë së task-forcës anti-skifter.

“Folëm për Taks-forcën anti-skifter që punon në Shqipëri dhe territorin gjerman. Po theksojmë mbështetjen po i ofron Gjermania policisë në luftën kundër krimit të organizuar. Mbështetja gjermane ka ardhur jo vetëm me këshilla, por asistencë konkrete në hartimin e këtij plani. Kemi disa çështje në proces hetimi policor të përbashkët, janë çështje shumë të ndjeshme për publikun shqiptar. Shpresoj që marrëdhëniet do jenë model edhe për vendet e tjera”, u shpreh ministri.

 

Të fundit