Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Klinton e kishte vëllain trafikant dhe e fali me dekret presidencial”. Ku ia ‘fusin kot’ ata që krahasojnë rastin e Presidentit me ministrin Xhafaj

Politiko 12 Maj 2018, 20:37
“Klinton e kishte vëllain trafikant dhe e fali me dekret

Spartak Ngjela, por edhe të tjerë komentatorë politikë, e kanë krahasuar shpesh gjatë dy ditëve të fundit rastin e vëllezërve Xhafaj me një dyshe tjetër, më të famshme në Amerikë, vëllezërit Bill e Roger Klinton.

Roger është në fakt vëllai nga nëna i ish-Presidentit amerikan, por kjo ka pak rëndësi.

Përballjet me ligjin të vëllezërve të vegjël të dy politikanëve janë ato që i kanë tërhequr komentatorët në krahasim. I cili nuk qëndron. E para, sepse Roger Klinton njihej si përdorues i rregullt droge dhe jo si trafikant. Ai është dënuar për një qese me 1 gramë kokainë të cilën u përpoq t’ia jepte/shiste një polici (undercover). Duke qenë se e pranoi akuzën ai u dënua me një vit heqje lirie, në mes të viteve ’80, kur Bill Clinton ishte guvernator i shtetit jugor të Arkansasit.

Falja presidenciale e dhënë nga Klintoni në ditën e tij të fundit si President i Amerikës nuk është për ta nxjerrë Roger-in nga burgu pasi e kishte shlyer prej kohësh dënimin, por një ‘pardon’ që i fshinte rekordin kriminal të vëllait. Pas kësaj në databasën e autoriteteve amerikane dënimi i tij nuk do të figuronte më. (Jo për shumë kohë sepse pak ditë pasi mori pardonin Roger u kap në Kaliforni dhe u dënua për DUI (dhënie makinës në gjendje të dehur).

Rasti i Agron Xhafajt është krej tjetër. Ai është kapur me sasi të konsiderueshme droge dhe është akuzuar për trafik ndërkombëtar. Për këtë është dënuar në mungesë nga gjykata italiane me mbi 7 vjet, dënim të cilin nuk e ka shlyer në Itali dhe as në Shqipëri.

Për këtë, sipas dokumenteve të parqituara nga Partia Demokratike, Fatmir Xhafaj i ka akorduar të vëllait ‘pardon ministror’ duke e bërë të pamundur ekstradimin e tij në Itali për të kryer dënimin.

Të fundit