Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Knut  Fleckenstein për integrimin e Shqipërisë: Negociatat mund të hapen shumë shpejt, ‘Tahiri’ s’do të thotë gjë

Politiko 7 Shkurt 2018, 20:56
Knut  Fleckenstein për integrimin e Shqipërisë: Negociatat

Prezantimi për strategjinë e zgjerimit të BE tashmë është në tavolinë dhe komentet rreth saj janë të ndryshme dhe në këtë valë mendimesh ka thënë fjalën e tij edhe Raportuesi për Shqipërinë në Parlamentin Evropian Knut Fleckenstein. Në një intervistë për Gazetën Shqiptare, eurodeputeti ka shprehur mendimin e tij rreth hapave që ka bërë para Shqipëria dhe ka shpresa se kjo do të thotë se këtë vit do të hapen negociatat.

Por gazetari nuk ka nguruar që ta pyes edhe për akuzat për trafik droge ndaj ish-ministrin e Brendshëm Saimir Tahiri dhe ndikimit që ato mund të kenë, por Flackenstain u shpreh se kjo çështje i takon drejtësisë dhe gjyqtareve për ta vlerësuar, por nuk e ngadalëson hovin e Shqipërisë për hapjen sa më të shpejtë të negociatave.

Pjesë nga intervista

Si e vlerësoni sistemin e drejtësisë në Shqipëri?

Sistemi në drejtësi është futur në një fazë transformimi dhe mendoj që me implementim e reformës në drejtësi ajo do të luftojë ashpër korrupsionin dhe krimin e organizuar në vend, gjithashtu të pastrohet dhe nga gjykatës të korruptuar. Kjo gjë do të përshpejtojë më tepër bashkimin e Shqipërisë në familjen evropiane. Duhet thënë që bashkëpunimi midis institucioneve duhet të jetë i ngushtë dhe i drejtë.

Ish-Ministri i Brendshëm, Saimir Tahiri është i akuzuar për trafik ndërkombëtar të drogës, si ka ndikuar në procesin e hapjes së negociatave?

Kjo çështje besoj se i përket drejtësisë për ta vlerësuar, por mund të them që nuk ka ndikuar në negociatat e Shqipërisë për në BE. Kaq mund të komentoj.

Kush është problemi më i madh për Shqipërinë, i cili e pengon bashkimin me shtetet e tjera te evropiane?

Besoj se problemi më i madh në Shqipëri, por dhe në shumë vende në rajon, është lufta ndaj korrupsionit dhe krimit. Këta janë faktorë të cilët mund të kërcënojnë çeljen e negociatave.

Intervistën e plotë e lexoni në: http://www.gsh.al/2018/02/07/ekskluzive-fleckenstein-kete-vit-hapen-negociatat-per-tahirin-vendos-gjykata/

 

Të fundit