Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OP-ED

Kollaj me kritiku Kurtin, por duhet me kuptu rrugën e tij!

Politiko 26 Mars 2020, 18:39
Kollaj me kritiku Kurtin, por duhet me kuptu rrugën e tij!

Nga Alban Daci

Të gjithë me analiza po na dalin më të mençëm se Kurti, por në fakt ky i fundit i ka bo llogaritë më mirë se të gjithë!

Para se të kritikojmë Kurtin, duhet të analizojmë e të kuptojmë rrugëtimin e lidershipit të tij! Ai është fillim e mbarim Albin Kurti dhe askush tjetër! Ai nuk është bërë lider as me lobe amerikane, a me sponsorizime serbe, as me lobime Ruse apo me pazaret e Tiranës! Albini është Albini që njohim sot, ai që ka qenë dje dhe ai që do të jetë nesër, sepse ai fillim e mbarim ka zgjedhur vetëm kontratën me qytetarët! Ai është lider që ka dalë nga populli e mbahet prej mbeshtetjes e votave të tij!

A është Albini diktator apo i orientuar me ndjenja të tilla! Para se të flasim me konkluzione të tilla, duhet të kuptojmë dinamikën e politikës së Kosovës! Ai realisht ka kundër të gjithë faktorët politikë në Kosovë! Pra, ai është i vetëm  me popullin kundër tyre që janë bashkë, por pa popullin! Kurti është kundër nje klase politike që ka ngjashmëri me klasën politike në Shqipëri, të kosmuar nga historia, të lodhur nga pushteti, të inkriminuar e të korruptuar nga babëzia!

Pra, Kosova e Shqipëria kanë të njëjtën gjë të përbashkët për sa u përket klasës politike, por Shqipëria për fat të keq nuk ka një Albin.

Albini si model politikani dhe lideri është problem për klasën politike të Kosovës, por edhe për klasën politike të Shqipërisë.

Ai është e reja dhe ndryshimi, e për këtë arsye klasa politike e Kosovës dhe Shqipërisë janë bërë bashkë kundër Kurtit! Në një mjedis të tillë të egër e agresivë, kushdo që do të ishte në vendin e Kurtit do e kishte pushuar Agim Veliun! Ky i fundit nuk është shkaku, por ky është sinjali që mbrapa tij ka një sistem ose një skenar të qartë për ta eliminuar politikisht Kurtit, sepse ky është nje rrezik për ta, duke dashur të ndëshkoj krimin, korrupsionin dhe të krijoi Shtetin e së Drejtës!

Nëse Kurtin do e quajmë diktator, po presidentin e SHBA si do e quajmë që është kryetari i maxhorancës, i qeverisë dhe i shtetit?! Më gjeni një Sekretar amerikan që ka kundërshtuar presidentin e SHBA e ka vazhduar të jetë sekretar. Kur shikoj frymëzime të shtirura demokratike nga politikanë që e kanë vrarë demokracinë në Shqipëri e Kosovë, kjo tregon qartë se demokracia është aq shumë tolerante si formë politike sa lejon të abuzojnë edhe me terminologjinë e saj!

Kurti antiamerikan? Qeveritë ne Amerikë shkojnë e vijnë si në çdo vend të botës. Amerika është aq shumë vend demokratik sa ka mendime e rryma të ndryshme mendimi dhe kjo e bën atë të bukur e model për Botën!

Kurti ka aq nivel inteligjence sa të kuptoj se nuk mund e nuk duhet të tallet me Amerikën, por në të njëjtën kohë, jo çdo kush që vjen me flamurin amerikan duhet të mendoj vetëm si amerikan pa dëgjuar zërin e popullatës vendase!

E ndoqa me vëmendje Kurtin dje, ai e dinte se do të humbiste në Parlamentin komunistë, por ai gjithë kohës në çdo ndërhyrje u përpoq të fliste me popullin dhe t'i bind ata për zgjedhjet që ka ndërmarr! Ai në këtë drejtim ja doli e besoj se ka qenë i sigurt!

Modeli i Amerikës Latine rrezikon të përsëritet në Kosovë! Kjo si një medalje me dy anë! Së pari, ish ushtarakët, edhe pse të korruptuar duhet të mbahen në pushtet, sepse për pushtetin janë të gatshëm të bëjnë çdo gjë, të shiten, të blihen e të servilosen pa rezerva.

Së dyti, Kurti popullor, i dashur nga njerëzit, por për shkak të inteligjencës e dinjitetit të mbahet me çdo kusht larg pushtetit, sepse ai nuk komandohet e nuk kontrollohet!

Ish ushtarakët e titistët, mendojnë se ato e kanë bërë Kosovën si Amerika Latine, e nuk kanë nevojë për mbështetje popullore, sepse atë e fitojnë dhe ruajnë në tavolinë. Ky pushtet që buron nga populli nuk nuk është legjitim e nuk i shërben atij! Ndërsa Kurti ka zgjedhur të jetë personi që bën dhe ruan kontratën me sovranin! Të shikojmë kush do të jetë afatgjatë dhe fitues!

Të fundit