Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Komentohet për pasurinë, Agron Shehaj në Kuvend: Jemi ne politikanët, burimi i varfërisë së shqiptarëve

Politiko 22 Shkurt 2018, 13:11

Deputeti i ri i PD-së, Agron Shehaj komentohet shpesh herë nga deputetët socialistë dhe disa media për pasurinë që ka vendosur me punën në Itali, duke e paraqitur si mëkat, ndërkohë që sot, ai ka folur në Kuvend pikërisht për hipokrizinë dhe vjedhjet e këtye personave ndaj shqiptarëve të varfër.

Shehaj theksoi se burimi i varfërisë në Shqipëri është politika dhe politikanët.

“Varferia është një problem i madh dhe i vështirë per t’u luftuar, por një gjë është e sigurt: burimi i varferisë është [olitika shqiptare. Jemi ne politikanet, ne këtu në këtë sallë, ne që diskutojmë dhe bëjmë garë kush është më i ndjeshmi, ne që bëjmë vizita me trasta me ushqime për vit të ri nëpër familjet e varfra dhe i postojmë në Facebook, ne që zihemi nepër studio televizive se kush i ka më për zemër të varfrit, ne, jemi shkaku kryesor i mjerimit të një pjese të madhe të shoqërisë”, deklaroi deputeti demokrat.

Shehaj e konsideroi të neveritshme sjelljen e ministrave të qeverisë, të cilët mburren se sa po bëjnë për të varfrit, ndërkohë që u propozoi atyre që t’u heqnin disa miliona miqve që u japin koncesione dhe t’ua shpërndajnë ato të varfërve.

Fjala e Shehajt:

Mund të dukem si i papërshtatshëm për të folur per varfërinë, por, si pothuajse të gjithe shqiptarët, pervec atyre qe ishin pjese e nomenklatures komuniste, unë nuk kam lindur i pasur.

Jam nga ata që kam ditur, me shumë punë dhe sigurisht edhe pak fat, si të dilja nga varfëria.

E theksoj: me shume pune dhe në mënyrë të ndershme.

Ashtu si unë, me mijëra të rinj, bashkëpuntorë të mitë, fale mundimit dhe punës së tyre, ja dolën të përmirësonin ndjeshëm nivelin e jetës, dhe në shumë raste të shpëtonin nga mjerimi.

Varferia është një problem i madh dhe i vështirë per t’u luftuar, por një gjë është e sigurt: burimi i varferise eshte Politika shqiptare.

Jemi ne politikanet,

Ne ketu ne kete salle,

Ne qe diskutojme dhe bejme gare kush është me i ndjeshmi,

Ne qe bejme vizita me trasta me ushqime per Vit te ri nëpër familjet e varfra dhe i postojme ne Facebook,

Ne qe zihemi nepër studio televizive se kush i ka me per zemer te varfrit,

Ne, jemi shkaku kryesore i mjerimit te nje pjese te madhe te shoqerise!

Është e neveritshme te degjosh ministrat milionera qe mbajne fjalime ne kete foltore, dhe tregojne se sa shume po bejne per te varfrit.

Ne Indeksin e Perceptimit të Korrupsionit për vitin 2017, të publikuar nga Trasparancy International, Shqipëria renditet në vendin e 91, ne rënie nga viti 2016,

Në të njëjtin pozicion me Bosnjen, Guinenë e re dhe Sri Lanken.

Vendet me nivelin më të ulët të korrupsionit janë Zelanda e re, Danimarka, Norvegjia, Zvicra dhe te tjera.

Ajo që bie qartasi në sy është lidhja e drejtpërdrejtë mes nivelit të ulet te korrupsionit dhe nivelit të lart të mirëqenies dhe anasjelltas. Me pak fjalë, sa më i lartë është korrupsioni, aq më të ulta janë të ardhurat për frymë.

Pra, është e qarët qe kur ju si maxhorancë vidhni dhe korruptoheni, automatikisht, i zhysni shqiptarët në mjerim.

Të jemi të qartë: kurrupsion nuk është vetëm kur vidhni nga arka e shtetit, ne dogana, ne tatime apo me legalizimet, por edhe në mënyrë jo të drejtpërdrejtë, me koncesionet apo me lejet e ndertimit.

Nuk duhet t’i gënjeni qytetarët, duke ju thënë që problemi nuk është te korrupsioni, sepse korrupsion ka edhe në vendet e pasura. Është e verrete qe korrupsion ka gjithandej, por Indeksi i Trasparancy International na tregon qartë, që problemi nuk është te fenomeni por te sasia.

Me pak fjalë, problemi është se në vendet e varfra si Shqipëria, politikanët janë të pangopur.

Nga raporti del qartë që nëse do te donit vërtetë të nxirnit Shqipërinë nga varfëria, nuk ka nevojë për kushedi se çfarë strategjie apo politike ekonomike, do mjaftonte të mos vidhnit, ose, ju lutemi shumë, të vidhnit më pak!

Jemi mësuar të dëgjojmë deklarata nga më të çuditshmet nga kjo qeveri, mbi ekonominë dhe mbi zgjidhjet e mundshme për ndërtimin e një ekonomie moderne dhe të zhvilluar. Duhet të jetë synimi kryesor i cdo qeverie, ngushtimi sadopak, i diferencës se papranueshme midis te ardhurave mujore per frymë prej 2700 dollarësh te vendeve te Bashkimit Europian dhe vetëm 350 dollare të Shqipërisë.

Fatkeqësisht, është e qarte çdo ditë e më shumë, që kjo qeveri nuk ka as njohuritë, as eksperiencën dhe as ndershmërinë për të rritur mirëqenien e shqiptarëve.

Ju mund të vazhdoni t’i gënjeni pa fund shqiptarët, që me nje ekonomi mujore me të ardhura prej vetëm 350 dollarësh për person, ju do iu garantoni një arsim modern apo një sistem shëndetësor cilësor.

Me këto te ardhura, edhe sikur të ishit politikanët më të zotë dhe më të ndershëm në botë, nuk keni për të shkuar kurrë përtej makiazhit dhe mashtrimeve, si koncesionet korruptive të shëndetësisë, mbetjeve dhe fasadave.

Për sa kohë nuk ka një rritje ekonomike dyshifrore, çdo premtim është një mashtrim.

Por, të ardhurat e ulta nuk janë i vetmi problem i Shqipërisë. 350 dollare për frymë jane një mesatare, që do të thotë që një pjesë e madhe e shqiptarëve jeton me të ardhura shumë më të ulëta.

Nga një studim i Autoritetit rajonal të shëndetësisë mbi studentët e klasës së dytë fillore në Tiranë, rezultoi që 10 % e fëmijve hanë vetëm një vakt në ditë dhe, çka është e tmerrshme, në shkollën e Kamzës janë 40 % fëmijët që hane vetëm një vakt në ditë.

Domethënë, thuajse gjysma e fëmijve jane të uritur dhe nuk mbushin as barkun me bukë.

Kur lexova këtë lajm më erdhi në mendje një deklaratë për shtypin e huaj e kryeministrit, ku thoshte se Shqiperia është një vend i varfër, por askush nuk vdes nga uria.

Siç, shpeshherë, Kryeministri gënjen, duke mos thënë gjithë të vërtetën sepse, është e verrete që nuk vdesin nga uria, por këta fëmijë janë të uritur dhe të pangopur.

Pasojat e te kequshqyerit do ti vuajnë për tërë jetën.

Kam bindje të djathta dhe liberale dhe besoj te iniciativa private, te puna e ndershme dhe meritokracia dhe jo te asistencializmi.

Por, Varfëria e një pjese të madhe të shoqërisë është një emergjencë kombëtare që kërkon një vëmendje urgjente që nuk mund të presë rritjen ekonomike.

Beni një gjë prej qeverie të majtë: nga ai miliardi i famshëm i koncesioneve, që po i harxhoni sikur t’jua kenë falur, hiquni një pjesë miqve tuaj dhe bëjini mensa për shkollat që ndodhen në zona të varfëra.

Miqtë tuaj do fitojnë ndonjë milion më pak, por do shpëtosh nga uria një numër të madh fëmijësh shqiptarë.