Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

"Konfirmimi 2 muaj më parë, por pagën e luftës s'e kemi marrë"; Qytetarët i tregojnë mesazhet, Basha vijon premtimet

Politiko 18 Qershor 2020, 20:30
"Konfirmimi 2 muaj më parë, por pagën e luftës s'e

Kreu i PD, Lulzim Basha ka vijuar takimet me sipërmarrësit e vegjël edhe gjatë ditës së sotme në Tiranë, duke u ndalur në zonën e Baldushkut dhe Saukut. Gjatë takimit me kryedemokratin, qytetarët kanë shprehur ankesat e tyre për ndihmat e pamarra gjatë pandemisë, kur edhe ngelën pa punë.

Qytetarët gjatë bashkëbisedimit me Bashën janë shprehur se nuk kanë marrë ende pagën e luftës gjatë pandemisë. Madje dy prej tyre i kanë treguar mesazhet në telefon të ardhura 2 muaj më parë, që konfirmonin përfitimin e pagës së luftës 40 mijë lekë, por që asnjë e ardhur nuk ka kaluar në llogarinë e tyre.

Ankesave të qytetarëve, Basha iu është përgjigjur me premtime, ndërsa shprehet se: “Në planin tonë ne parashikojmë lehtësi për biznesin dhe thithjen e investimeve të huaja që hapin vende pune. Në planin tonë ne do të mbështesim sipërmarrjen e të rinjve dhe krijimin e mundësive për punësimin e tyre.

Në planin tonë ne parashikojmë mbështetje direkte përmes subvencioneve për çdo fermer në bazë të prodhimit të tyre. Mbështetje për sipërmarrës që përpunojnë prodhimet tona bujqësore e blegtorale.

E gjithë vëmendja jonë do të jetë tek fuqizimi i sipërmarrjes, zhvillimi i bujqësisë dhe punësimi.”

Postimi i plotë i Bashës:

Sot në Farkë dhe Baldushk takova fermerë dhe sipërmarrës të lënë në harresë nga qeveria.

Ndërsa kriza po thellohet e varfëria po shtohet, faturat që duhet të paguajnë u janë rritur, xhiroja ka rënë, ndërsa prodhimet po kalben sepse nuk kanë treg ku t’i shesin e fuqia blerëse ka rënë.

Në kohën kur kanë më shumë se kurrë nevojë, në vend të ndihmës u çon bandën e taksidarëve, në vend të lehtësirave u kanë dyfishuar faturën e dritave, kanë rritur taksat vendore, edhe ata që e përfituan pagën dëmshpërblyese nuk e kanë marrë akoma.

RAMAVIRUSI po u merr qytetarëve dhe qindarkat e fundit për t’ua dhënë si tash 7 vjet një grushti oligarkësh.

Shqipëria është vend i bekuar nga Zoti, shqiptarët janë popull i mençur e punëtor, atyre u duhet një qeverisje normale që të mirat e këtij vendi t’i shndërrojë në mundësi për ta.

Në planin tonë ne parashikojmë lehtësi për biznesin dhe thithjen e investimeve të huaja që hapin vende pune.

Në planin tonë ne do të mbështesim sipërmarrjen e të rinjve dhe krijimin e mundësive për punësimin e tyre.

Në planin tonë ne parashikojmë mbështetje direkte përmes subvencioneve për çdo fermer në bazë të prodhimit të tyre. Mbështetje për sipërmarrës që përpunojnë prodhimet tona bujqësore e blegtorale.

E gjithë vëmendja jonë do të jetë tek fuqizimi i sipërmarrjes, zhvillimi i bujqësisë dhe punësimi.

Të fundit