Flash News

Prokuroria dërgon në gjyq 5 shtetas kosovarë për kontrabandë ilaçesh

Plagoset me thikë 21-vjeçari në Sarandë

Të shtëna me armë në Kavajë, qëllohet drejt një çifti bashkëshortësh

Ndërhyrjet në burgun e Spaçit, reagon Ministria e Kulturës: Nuk kemi qëllim modifikimin e historisë

Aksident në urën e re të Kukësit, përplasen tre automjete

KRYESORE

Konsulli i nderit në Danimarkë letër Cakajt: Pse nuk më ç’nderon dot një ministër i komanduar

Politiko 1 Prill 2019, 19:45
Konsulli i nderit në Danimarkë letër Cakajt: Pse nuk më

Konsulli i Nderit të Shqipërisë në Danimarkë, Përparim Kalo nuk i ka pritur mirë komentet e ministrit Gent Cakaj, që deklaroi heqjen e targave diplomatike me argumentin se shume prej tyre kanë abuzuar me to.

Në një email, dërguar Ministrisë së Jashtme, Kalo mohon të ketë kryer ndonjë shkelje, ndërsa i kujton Cakajt ndërtimin që ka marrë nga Mbretëresha Margreth II e Danimarkës.

“Eshtë e padrejtë të çnderohem nga ministër i komanduar i shtetit tim.  Përfitoj nga ky komunikim për t’ju përcjellë nderimet e rastit”, sqaron ai.

Politiko i riktheu në vëmendje, ‘zgjohet’ Gent Cakaj dhe u heq privilegjet konsujve të nderit

Reagimi i plotë:

Ju faleminderit për notën verbale e cila përcjell shqetësimin e ministrit të komanduar për saktësimin e rregullave protokollare në fushën e targave CD të automjeteve të Konsujve të Nderit.

Ndërkohë desha t’i përcillni ministrit të komanduar këtë mesazh:

Deklarimi se Konsujt e Nderit paskan bërë “shkelje të habitshme duke u pajisur me targa CD”, është në fakt një deklarim i habitshëm, pasi në asnjë vend të botës shteti nuk mund të konsiderojë shkelje, aq më tepër të habitshme, një veprim apo veprimtari të autorizuar prej vetë shtetit, ose organit të tij përfaqësues.

Ndërkohë personalisht konfirmoj se nuk do ta përdor targën CD, por nga ana tjetër kërkoj që ministri të deklarojë publikisht se Përparim Kalo nuk ka bërë shkelje të habitshme, për të kompesuar sadopak dëmin që ka shkaktuar lajmi, i përcjellë me aq bujë në media.

Jam i nderuar nga Mbretëresha Margreth II e Danimarkës dhe është e padrejtë të çnderohem nga ministër i komanduar i shtetit tim.  Përfitoj nga ky komunikim për t’ju përcjellë nderimet e rastit.

Të fundit